فوتو: اقوردا
مەملەكەت باسشىسى قاسىم-جومارت توقاەۆ «Turkistan» گازەتٸنە سۇحبات بەرٸپ, 2025 جىلدىڭ قورىتىندىسى مەن ەل دامۋىنىڭ نەگٸزگٸ باعىتتارى تۋرالى پٸكٸر بٸلدٸردٸ, دەپ حابارلايدى Ult.kz.
پرەزيدەنتتٸڭ ايتۋىنشا, ٶتكەن جىلى قازاقستان ەكونوميكاسى 6 پايىزدان استام ٶسٸپ, ٸشكٸ جالپى ٶنٸم 300 ميلليارد دوللار مەجەسٸنە جەتكەن. ال جان باسىنا شاققانداعى ٸجٶ 15 مىڭ دوللاردان اسىپ, بۇل كٶرسەتكٸش ٶڭٸر ٷشٸن رەكوردتىق دەڭگەيگە جەتكەن.
– جالپى, ويداعىداي جۇمىس ٸستەلدٸ دەۋگە بولادى. بٸراق توقمەيٸلسۋگە مٷلدە بولمايدى. بٸز تىنىمسىز ەڭبەكتەنٸپ, تەك العا ۇمتىلۋىمىز كەرەك, – دەدٸ مەملەكەت باسشىسى.
سونىمەن قاتار قاسىم-جومارت توقاەۆ ينفلياتسييا دەڭگەيٸنٸڭ جوعارى بولۋى ازاماتتاردىڭ ەل-اۋقاتىن ارتتىرۋعا كەدەرگٸ كەلتٸرٸپ وتىرعانىن اتاپ ٶتتٸ. وسىعان بايلانىستى ٷكٸمەت پەن ەكٸمدەرگە ەلەۋمەتتٸك-ەكونوميكالىق تۇراقتىلىقتى نىعايتۋ جٶنٸندە ناقتى مٸندەتتەر جٷكتەلەتٸنٸن ايتتى.
پرەزيدەنت 2025 جىلدىڭ باستى قورىتىندىسى رەتٸندە قازاقستاننىڭ رەفورمالاردى جٷزەگە اسىرۋعا بٸرجولا بەت بۇرعانىن اتاپ ٶتتٸ. ونىڭ ايتۋىنشا, ەل جاڭعىرۋ جولىنا تٷسٸپ, ەدٸلدٸك, زاڭ مەن تەرتٸپ, ەڭبەكقورلىق قاعيداتتارىنا نەگٸزدەلگەن قوعام قالىپتاسىپ كەلەدٸ.
– اقش پرەزيدەنتٸ ترامپتىڭ «اقىلعا سىيىمدى وي» ستراتەگيياسىنىڭ ىقپالىمەن جاھاندانۋ ٷدەرٸسٸ كەيٸنگە ىسىرىلا باستادى. بٸز دە قازاقستاندا ەدٸلدٸك, زاڭ مەن تەرتٸپ, ەڭبەكقورلىق سيياقتى مەملەكەتٸمٸزدٸڭ بولاشاعى ٷشٸن ايرىقشا ماڭىزدى قاعيداتتارعا نەگٸزدەلگەن قوعام قۇرىپ جاتىرمىز. ۇزاق مەرزٸمگە ارنالعان نەتيجەگە جەتۋ ٷشٸن بۇل جۇمىس جاڭا جىلدا ەكٸ ەسە تىڭ قارقىنمەن جالعاسىن تابادى, - دەدٸ پرەزيدەنت.
سۇحباتتىڭ تولىق نۇسقاسىن سايتتان وقي الاسىز.
