فوتو: اقوردا
مەملەكەت باسشىسى قاسىم-جومارت توقاەۆ قۇقىق قورعاۋ ورگاندارىنىڭ كەڭەيتٸلگەن القا مەجٸلٸسٸندە سٶز سٶيلەدٸ, دەپ حابارلايدى Ult.kz.
قاسىم-جومارت توقاەۆ ەلٸمٸزدەگٸ پوليتسييا قىزمەتكەرلەرٸ مەن مەملەكەتتٸك قىزمەتشٸلەردٸ كەسٸبي مەيرامدارىمەن قۇتتىقتاپ, مەملەكەتكە قىزمەت ەتۋ – ەڭ قۇرمەتتٸ ەرٸ اسا جاۋاپتى مٸندەت ەكەنٸن اتاپ ٶتتٸ.
"قازٸر دٷنيە جٷزٸ الماعايىپ, بۇلىڭعىر, ياعني, ٶتە كٷردەلٸ كەزەڭدٸ باستان ٶتكەرۋدە. وسىنداي قۇبىلمالى ۋاقىتتا قوعامدىق قاۋٸپسٸزدٸكتٸ ساقتاۋ, زاڭنىڭ مٷلتٸكسٸز ورىندالۋىن قامتاماسىز ەتۋ – ايرىقشا ماڭىزدى مٸندەت.
سول سەبەپتٸ, بٷگٸن بٸز العاش رەت وسىنداي قۇراممەن جينالىپ وتىرمىز. قۇقىق قورعاۋ جٷيەسٸندەگٸ بارلىق جاۋاپتى قۇرىلىمدار جۇمىلا جۇمىس ٸستەۋٸ قاجەت", - دەدٸ پرەزيدەنت.
مەملەكەت باسشىسى سوڭعى جىلدارى ەلٸمٸزدە بارلىق سالادا اۋقىمدى رەفورمالار جاسالىپ جاتقانىن ايتتى. مەملەكەتتٸڭ ساياسي جٷيەسٸ مەن ەكونوميكالىق قۇرىلىمى تٷبەگەيلٸ جاڭعىرۋدا.
"2019 جىلدان بەرٸ قىلمىستىق قۇقىقبۇزۋشىلىق سانى شامامەن ەكٸ ەسە ازايدى. سونىڭ ٸشٸندە قاراقشىلىق, توناۋ, ۇرلىق پەن بۇزاقىلىق دەڭگەيٸ 4 ەسە تٶمەندەدٸ, ال كٸسٸ ٶلتٸرۋگە قاتىستى قىلمىستار 30 پايىزعا كەمٸدٸ. قوعامدىق ورىندارداعى قىلمىس سانى 80 پايىزعا ازايدى. بۇل – ازاماتتارىمىز كٶشەدە ەشتەڭەدەن قاۋٸپتەنبەي, الاڭسىز جٷرە الادى دەگەن سٶز", - دەدٸ ول.
سونداي-اق قاسىم-جومارت توقاەۆ وتباسىلىق زورلىق-زومبىلىقپەن كٷرەس جەنە ەيەلدەر مەن بالالاردى قورعاۋ بويىنشا زاڭنامالىق, ينستيتۋتسيونالدىق تۇرعىدان باتىل قادامدار جاسالىپ جاتقانىن ايتتى.
"وتباسىلىق زورلىق-زومبىلىق جاساعانى ٷشٸن بەرٸلەتٸن جازا ەدەۋٸر كٷشەيتٸلدٸ. بٸر جىل بۇرىن تيٸستٸ زاڭ قابىلداندى. زاڭعا ەنگٸزٸلگەن تٷزەتۋلەر مەن باسقا دا شارالار ناقتى نەتيجە بەرە باستادى. ورتاشا جەنە اۋىر دەڭگەيدەگٸ وتباسىلىق-تۇرمىستىق قىلمىس سانى جىل باسىنان بەرٸ 30 پايىزعا تٶمەندەدٸ.
جالپى, سوڭعى 5 جىلدا ەيەلدەرگە قاتىستى قۇقىق بۇزۋشىلىقتار ەكٸ ەسە ازايدى. ەڭ باستىسى, قازٸر قوعامدىق سانا تٷبەگەيلٸ ٶزگەرٸپ جاتىر. ازاماتتارىمىزدىڭ بويىندا وتباسىنداعى قاتٸگەزدٸك پەن وزبىرلىققا مٷلدەم تٶزبەۋشٸلٸك قاسيەتٸ قالىپتاسۋدا", - دەدٸ ول.
مەملەكەت باسشىسى ناشاقورلىق پەن ەسٸرتكٸ بيزنەسٸنە قارسى كەشەندٸ جۇمىس اتقارىلىپ جاتقانىن دا ايتا كەتتٸ. بيىلدىڭ ٶزٸندە 83 ەسٸرتكٸ زەرتحاناسى جويىلىپ, اينالىمنان الىنعان ەسٸرتكٸ زاتتارىنىڭ كٶلەمٸ 84 پايىزعا ۇلعايدى. ەسٸرتكٸ ٶندٸرگەنٸ ٷشٸن بەرٸلەتٸن جازا قاتاڭداتىلدى. تٸپتٸ, ٶمٸر بويى باس بوستاندىعىنان ايىرىلۋى مٷمكٸن ەكەنٸن اتاپ ٶتتٸ.
