© اقتٶبە وبلىستىق پەريناتالدىق ورتالىعى
اقتٶبە وبلىسىندا "اڭساعان سەبي" باعدارلاماسى بويىنشا قاسىم, جومارت, كەمەل ەسٸمدٸ ٷشەم دٷنيەگە كەلدٸ. دەرٸگەرلەردٸڭ ايتۋىنشا, قازٸر سەبيلەردٸڭ دەنساۋلىعى قالىپتى, دەپ حابارلايدى Sputnik قازاقستان.
اقتٶبە وبلىستىق پەريناتالدىق ورتالىعى باسپاسٶز قىزمەتٸنٸڭ مەلٸمەتٸنە سٷيەنسەك, 36 جاستاعى قارلىعاش ەسٸمدٸ تۇرعىن ەكۇ ارقىلى ٷش بالانىڭ اناسى اتاندى. ول مەرزٸمٸنەن بۇرىن – جٷكتٸلٸكتٸڭ 36-شى اپتاسىندا بوسانعان.
نەرەستەلەردٸڭ سالماعى – 2 كەلٸ 620 گرامم, 2 كەلٸ 270 گرامم جەنە 1 كەلٸ 925 گرامم. ٷشەمنٸڭ اتا-اناسى ميرات پەن قارلىعاشتىڭ 13 جاستاعى قىزى بار. قازٸرگٸ ۋاقىتتا قىزدارى ٸنٸلەرٸمەن قاۋىشاتىن كٷندٸ اسىعا كٷتۋدە.
"ٷشەم جانساقتاۋ بٶلٸمٸنەن اناسىنىڭ جانىنا اۋىستىرىلدى. "شالا تۋىلعان سەبي كٷتٸمٸ" بٶلٸمٸندە كٷتٸمنٸڭ ەكٸنشٸ كەزەڭٸنەن ٶتۋدە. وتباسىلى جانداردىڭ ەكۇ-عا جٷگٸنۋٸنٸڭ باستى سەبەبٸ – ەرتٷرلٸ ەتيولوگيياعا بايلانىستى ۇزاق ۋاقىت بويى بالا كٶتەرە الماۋى. ميرات پەن قارلىعاش جٷكتٸلٸكتٸڭ باستالۋىمەن قايتالاما مەسەلەلەردٸڭ ورىن الۋىنا بايلانىستى قوسالقى رەپرودۋكتيۆتٸ تەحنولوگييالارعا جٷگٸندٸ. ەرلٸ-زايىپتىلار "اڭساعان سەبي" باعدارلاماسىنىڭ بارلىق كريتەرييلەرٸنە سەيكەس كەلگەندٸكتەن, كۆوتا بٸردەن بەرٸلدٸ", – دەيدٸ وبلىستىق پەريناتالدى ورتالىق ديرەكتورىنىڭ ورىنباسارى اندرەي گايداي.
ايتۋىنشا, كٶپ ۇرىقتى جٷكتٸلٸك باستاپقىدا اسقىنۋدىڭ ٷلكەن قاۋپٸن تۋدىرادى. قارلىعاش ٶزٸنٸڭ جٷكتٸلٸگٸنە ٶتە مۇقييات جەنە ٷلكەن جاۋاپكەرشٸلٸكپەن قارادى. ۇسىنىلعان ماماندارعا بارىپ, قاجەتتٸ ۋلترادىبىستىق سكرينينگتەر مەن تەكسەرۋلەردەن ۋاقىتىندا ٶتتٸ. نەتيجەسٸندە اسقىنۋلاردىڭ بارلىق تەۋەكەلدەرٸن ازايتۋعا جەنە جٷكتٸلٸكتٸڭ قولايلى اعىمىنا قول جەتكٸزدٸ.
"اناسى مەن ٷشەمدٸ ٷيٸنە شىعارۋ كٶپتەگەن فاكتورلارعا بايلانىستى. وسى ورايدا بٸزدٸڭ مامانداردىڭ نەگٸزگٸ مٸندەتٸ – دەنە سالماعىنىڭ ديناميكالىق ٶسۋٸنە, نەرەستەلەردٸڭ ەمشەك سٷتٸمەن جەتكٸلٸكتٸ تاماقتانۋىنا, دەنە تەمپەراتۋراسىن تۇراقتى ۇستاپ تۇرۋعا, انانىڭ جاڭا تۋعان نەرەستەلەرگە كٷتٸم جاساۋ جەنە ەمٸزۋ داعدىلارىن يگەرۋٸنە كٶز جەتكٸزۋ. اپتا سوڭىنا قاراي بٸز انا مەن جاڭا تۋعان نەرەستەلەردٸ شىعارۋدى جوسپارلاپ وتىرمىز, – دەيدٸ دەرٸگەر.
سونداي-اق اندرەي نيكولاەۆيچ ميرات پەن قارلىعاش ٷشەمنٸڭ اتا-اناسى بولاتىنىن ەستٸگەن سەتتە قاتتى تولقىعانىن جەتكٸزدٸ. ولاردى جٷكتٸلٸك قالاي ٶتەدٸ, سەبيلەردٸڭ دەنساۋلىق جاعدايى قالاي بولادى دەگەن سۇراقتار مازالاعان. وسى ورايدا پەريناتالدى ورتالىقتىڭ دەرٸگەرلەرٸ بارىنشا قولداپ, مەديتسينالىق جەنە پسيحولوگييالىق تۇرعىدا كٶمەك كٶرسەتتٸ.
"ٷشەمنٸڭ اتا-اناسى ەرتە بوسانۋدىڭ الدىن الۋ, بالا كٷتٸمٸ, ولاردى تاماقتاندىرۋعا قاتىستى سۇراقتار كٶپ قويدى. بٸز ٶز تاراپىمىزدان بارلىعىن ەگجەي-تەگجەيلٸ تٷسٸندٸرٸپ بەردٸك. جاڭا وبلىستىق پەريناتالدى ورتالىعىندا ٷشەمنٸڭ دٷنيەگە كەلۋٸ – بٸز ٷشٸن قۋانىشتى جاڭالىقتىڭ بٸرٸ. ودان بٶلەك سەبيلەرگە قاسىم, جومارت, كەمەل دەگەن ەسٸم بەرگەنٸن ەستٸگەندە تاڭعالعانىمىزدى جاسىرا المادىق. جەنە جاڭا قازاقستاننىڭ دامۋىمەن بايلانىستى ەكەنٸنە قۋاندىق", – دەپ سٶزٸن قورىتىندىلادى اندرەي گايداي.
ايتا كەتەرلٸگٸ, اقتٶبە وبلىسىندا سوڭعى رەت ٷشەم وسىدان 1,5 جىل بۇرىن دٷنيەگە كەلگەن.
