«قازاقفيلم» اۋقىمدى تاريحي كينوجوباعا كاستينگ جارييالادى, دەپ حابارلايدى "ۇلت اقپارات" كينوستۋدييانىڭ باسپاسٶز قىزمەتٸنە سٸلتەمە جاساپ.
اتالعان كينوتۋىندىنى قر مەدەنيەت جەنە سپورت مينيسترلٸگٸ تاپسىرىسى بويىنشا ش.ايمانوۆ اتىنداعى «قازاقفيلم» اق تٷسٸرەدٸ.
كينوجوبا قازاقتىڭ ۇلى حاندارىنىڭ بٸرٸ - قاسىم حاننىڭ ٶمٸرٸ تۋرالى باياندايدى.
«فيلمنٸڭ كٶركەمدٸك جەتەكشٸسٸ - «ەرتۇعىرىل» سەريالىن تٷسٸرٸپ جاتقان تٷرٸك رەجيسسەرٸ مەتين گيۋناي. باستى رٶلدەرگە, قوسالقى جەنە ەپيزودتىق رٶلدەرگە 3 جەنە 80 جاس ارالىعىنداعى بارلىق قازاقستاندىقتار (بالالار, ەر ادامدار مەن ەيەلدەر) قاتىسا الادى (ەر ازاماتتاردىڭ بويى 180 سم. كەم بولماۋى تيٸس).باستى تالاپ - قازاق تٸلٸندە ەركٸن سٶيلەۋٸ كەرەك. كاستينگ قازاقستان بويىنشا ٶتەدٸ», - دەلٸنگەن حابارلامادا.
الماتى قالاسىندا كاستينگ جۇمىستارى 25 قاڭتاردان باستالادى.
كاستينگكە قاتىسۋ ٷشٸن kazakhfilmcast@gmail.com ەلەكتروندى پوشتاسىنا كەلەسٸ اقپاراتتاردى: جاقىننان بەت بوياۋسىز, كٶزٸلدٸرٸكسٸز جەنە لينزاسىز, باس كيٸمسٸز, ٶڭدەلمەگەن فوتوسۋرەتتەردٸ (سەلفي ەمەس), سونداي-اق تۇلا بويى كٶرٸنەتٸن بٸر سۋرەت, جەنە ٶزٸ تۋرالى قىسقاشا اقپاراتتى (اتى-جٶنٸ, جاسى, بويى مەن سالماعى, بٸلٸمٸ جەنە كينوداعى تەجٸريبيە تۋرالى) جولداۋ كەرەك.
«قۇرمەتتٸ ەيەلدەر قاۋىمى! كاستينگكە بەت بوياۋسىز جەنە جاساندى كٸرپٸكسٸز كەلۋلەرٸڭٸزدٸ سۇرايمىز. تاتۋاجى بار قىز-كەلٸنشەكتەردٸ قابىلدامايمىز», - دەپ ەسكەرتەدٸ كينوستۋدييادان.
ەسكە سالا كەتسەك, قر مەدەنيەت جەنە سپورت مينيسترٸ ارىستانبەك مۇحامەديۇلى قاسىم حان تۋرالى فيلمنٸڭ ستسەنارييٸ جازىلىپ جاتقانىن بىلتىر حابارلاعان بولاتىن.
«قاسىم حان تۋرالى فيلمنٸڭ جوباسى بويىنشا بٸز كارتينانىڭ ستسەنارييٸنە تاپسىرىس بەردٸك. ەلبەتتە, ول ستسەنارييدٸڭ قالاي جازىلعانىنا دەن قويارىمىز انىق. ەگەر وندا قاسىم حاننىڭ بارلىق ەرلٸگٸ مەن ٶمٸرٸ قامتىلماسا, ارى قاراي جۇمىستى جالعاستىراتىن بولامىز. رەجيسسەر - «ەرتۇعىرىل» سەريالىن تٷسٸرگەن تٷرٸك رەجيسسەرٸ بولادى. ول قازاقستاندىق ماماندارمەن بٸرگە ستسەنارييدٸ جازىپ شىقتى. قازٸرگٸ تاڭدا قازاقستاندىق رەجيسسەرلەر ٸرٸ جوبالارمەن جٷر. اقان ساتاەۆ «تۇمار پاتشايىمدى» تٷسٸرٸپ جاتسا, رٷستەم ەبدٸراش «الماس قىلىشتى» جالعاسىنا كٸرٸسٸپ كەتتٸ. ەلەمدٸك دەڭگەيگە جەتۋ ٷشٸن بٸز مويىندالعان رەجيسسەرلەر مەن اۆتورلاردى شاقىرۋىمىز كەرەك», - دەگەن ەدٸ ارىستانبەك مۇحامەديۇلى.
