پارلامەنت مەجٸلٸسٸنٸڭ جالپى وتىرىسىندا پالاتا دەپۋتاتتارى «سۋعا باتىپ كەتكەن كەمەلەردٸ جويۋ تۋرالى 2007 جىلعى نايروبي حالىقارالىق كونۆەنتسيياسىن راتيفيكاتسييالاۋ تۋرالى» زاڭ جوباسىن ماقۇلدادى, دەپ حابارلايدى قازاقپارات.
كونۆەنتسييا حالىقارالىق تەڭٸز ۇيىمىنىڭ باستاماسىمەن قابىلداندى. بۇل قۇجاتقا 53 مەملەكەت قوسىلعان. كونۆەنتسييانىڭ نەگٸزگٸ ماقساتى - سۋعا باتىپ كەتكەن كەمەلەردٸ تەز ەرٸ تيٸمدٸ الىپ شىعۋ جەنە اپات سالدارىن جويۋدىڭ بٸرىڭعاي قاعيدالارى مەن رەسٸمدەرٸن ەنگٸزۋ.
«كونۆەنتسييادا تەڭٸز اپاتى كەزٸندە بولعان زالالدى قارجىلاي ٶتەۋدٸ كەپٸلدەندٸرۋ بويىنشا كەمە يەسٸنٸڭ جەنە تۋدى كٶتەرٸپ جٷزەتٸن مەملەكەتتٸڭ مٸندەتتەرٸ بەكٸتٸلگەن. قۇجاتتى راتيفيكاتسييالاۋ قاجەتتٸلٸگٸ كاسپيي تەڭٸزٸندە كەمە قاتىناسىنىڭ ارتۋىنا بايلانىستى تۋىنداپ وتىر. بۇل رەتتە قازاقستان - نەگٸزگٸ جٷك قۇراۋشى مەملەكەت. كاسپيي تەڭٸزٸندە جالپى جٷك اينالىمىنىڭ شامامەن 31 پايىزى اقتاۋ جەنە قۇرىق پورتتارىندا تيەلەدٸ. بٷگٸنگٸ تاڭدا بٸز ترانسكاسپيي حالىقارالىق كٶلٸك دەلٸزٸن بەلسەندٸ تٷردە دامىتىپ كەلەمٸز. يراننىڭ كاسپيي ماڭى پورتتارىمەن جاڭا اۆتوموبيل-پاروم قاتىناسى اشىلدى. 2021 جىلى رەسەيدٸڭ ماحاچكالا پورتىمەن تەمٸرجول-پاروم قاتىناسىن اشۋ جوسپارلانىپ وتىر», - دەدٸ قر يندۋسترييا جەنە ينفراقۇرىلىمدىق دامۋ مينيسترٸ بەيبٸت اتامقۇلوۆ.
اقتاۋ جەنە تٷركمەنباشى پورتتارى مەن يراننىڭ اميراباد پورتى اراسىندا تۇراقتى كونتەينەرلٸك جەلٸلەر ٸسكە قوسىلدى.
«جالپى العاندا, 2025 جىلعا قاراي كاسپيي تەڭٸزٸنٸڭ قازاقستاندىق سەكتورىنا كٸرەتٸن كەمەلەر سانى ەكٸ ەسەگە ۇلعايادى. تيٸسٸنشە تەڭٸز اپاتتارىنىڭ بولۋ تەۋەكەلٸ ارتادى», - دەدٸ مينيستر.
ونىڭ ايتۋىنشا, كونۆەنتسييانى راتيفيكاتسييالاۋ تەڭٸز اپاتتارى بولعان كەزدە قازاقستاننىڭ مٷددەلەرٸن قورعاۋ ٷشٸن قاجەتتٸ جاعدايلار جاسايدى. بٸرٸنشٸدەن, ەلٸمٸزدٸڭ سۋلارىنا كٸرەتٸن كەمە يەلەرٸنٸڭ ٶز جاۋاپكەرشٸلٸگٸن ساقتاندىرۋ نەمەسە سۋعا باتقان كەمەنٸ الىپ شىعارۋ مٸندەتٸن بەلگٸلەيدٸ. بۇل قازاقستانعا كەمەنٸ كٶتەرۋ شىعىندارىن ٶتەۋدٸ تٸكەلەي ساقتاندىرۋ كومپانيياسىنان تالاپ ەتۋگە مٷمكٸندٸك بەرەدٸ.
ەكٸنشٸدەن, تۋىن كٶتەرٸپ جٷزەتٸن مەملەكەتتٸڭ تەڭٸز ەكٸمشٸلٸگٸنەن كەمەنٸ كٶتەرۋ جەنە اپات سالدارىن جويۋ مٸندەتتەرٸن ورىنداۋدى ساقتاندىرۋ تۋرالى كۋەلٸك تٷرٸندە كەپٸلدٸك الادى.
ٷشٸنشٸدەن, تەڭٸز اپاتى بولعان جاعدايدا قازاقستاننىڭ تەڭٸز ەكٸمشٸلٸگٸنٸڭ, كەمە يەسٸنٸڭ جەنە شەتەلدٸك كەمەنٸڭ تەڭٸز ەكٸمشٸلٸگٸنٸڭ ٸس-قيمىل تەرتٸبٸن انىقتايدى.
