"بٷگٸنگٸ ۋاقىتتا ماڭعىستاۋ وبلىسىندا تەڭٸز سۋىن تۇششىلايتىن زاۋىتتىڭ قۇرىلىسىن جٷزەگە اسىراتىن 3 ينۆەستوردىڭ بٸرٸ انىقتالدى. بۇل تۋرالى بٷگٸن ورتالىق كوممۋنيكاتسييالار قىزمەتٸندە ٶتكەن بريفينگتە ماڭعىستاۋ وبلىسى يندۋستريالدىق-يننوۆاتسييالىق دامۋ باسقارماسىنىڭ باسشىسى نۇربەك قاراساەۆ مەلٸم ەتتٸ", - دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«وبلىستا تەڭٸز سۋىن اۋىزسۋعا اينالدىراتىن زاۋىتتى سالۋعا ينۆەستورلاردى ٸزدەۋ جۇمىستارى قارقىندى جٷرٸپ جاتىر. جاڭاٶزەن تۇرعىندارىن اۋىزسۋمەن قامتاماسىز ەتەتٸن كەندٸرلٸ ماڭىنداعى تەڭٸز سۋىن تۇششىلايتىن زاۋىتتىڭ ينۆەستورلارى انىقتالدى», - دەدٸ قاراساەۆ تٸلشٸلەردٸڭ ساۋالىنا بەرگەن جاۋابىندا.
كەيٸن, تٸلشٸلەرگە جەكە سۇحبات بەرگەن ول, اتالمىش جوبا ەگەر ەكٸ تاراپ 2,5 جىلدا كەلٸسٸمگە كەلگەن جاعدايدا عانا جٷزەگە اسىرىلاتىنىن اتاپ ٶتتٸ.
«زاۋىت قۋاتى مەن جوبا قۇنى تۋرالى قازٸر مەن ايتا المايمىن. سەبەبٸ قازٸر تەك ينۆەستور تابىلدى. بۇل نىساندى «قازمۇنايگاز» رەتتەيدٸ. سەبەبٸ ول «جاڭاٶزەنمۇنايگاز» كومپانيياسىمەن بٸرگە قولعا الىنىپ وتىرعان جۇمىس. قازٸرگٸ كەزدە قمگ ٷش ينۆەستوردىڭ بٸرٸن تاڭداپ الدى. ەگەر ولار ينۆەستيتسييالىق كەلٸسٸمگە قول قوياتىن بولسا, وندا بۇل 2,5 جىلدىڭ جۇمىسى», - دەدٸ ول.
سۋ تۇششىلايتىن زاۋىت كاسپيي جاعاسىنا جاقىن تۇستا, ماڭعىستاۋ وبلىسى قاراقييا اۋدانىندا ورنالاسۋى مٷمكٸن.
«تەڭٸز سۋىن پايدالاناتىندىقتان, زاۋىت كاسپيي ماڭىندا بولاتىنى قيسىندى. كەيٸن اۋىزسۋعا اينالعان تۇششى سۋ قۇبىرلارمەن ەلدٸمەكەنگە جەتكٸزٸلەدٸ. ەڭ بٸرٸنشٸ اتالمىش سۋ «جاڭاٶزەنمۇنايگاز» بەن جەرگٸلٸكتٸ حالىق ٷشٸن جاسالىپ وتىر. سەبەبٸ تۇششى سۋ بۇل ايماقتا تاپشى», - دەدٸ قاراساەۆ.
