كاسپيي تەڭٸزٸنٸڭ جاعالاۋىندا 550 گەكتار اۋماقتىڭ قامىسى ٶرتەنگەن, دەپ حابارلايدى قازاقپارات.
اتىراۋ وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, بٷگٸن, 11 قازاندا جەرگٸلٸكتٸ ۋاقىتپەن ساعات 12:00-گە دەيٸن جاعالاۋداعى قامىس ٶرتٸنٸڭ ەكٸ فرونتالدى جانۋ وشاعى انىقتالعان.
«ونىڭ بٸرٸ يساتاي مەن قۇرمانعازى اۋدانىنىڭ شەكاراسىنداعى ماقاش اۋىلدىق وكرۋگٸنٸڭ, ال, ەكٸنشٸسٸ تەڭٸز اۋىلدىق وكرۋگٸنٸڭ اۋماعىندا ورنالاسقان. ٶرتەنگەن اۋماق 550 گەكتاردى قۇرايدى. بٷگٸنگە دەيٸن 420 گەكتار اۋماقتىڭ ٶرتٸ سٶندٸرٸلدٸ. ونىڭ ٸشٸندە سۋ اعىزۋ قۇرىلعىسىنىڭ كٶمەگٸمەن 35 گەكتاردا, جەكە قۇرامنىڭ كٷشٸمەن 197 گەكتاردا جانعان جالىن جويىلدى. ال, 188 گەكتاردىڭ ٶرتٸ ٶزدٸگٸنەن سٶندٸ» -دەپ حابارلادى دەپارتامەنتتٸڭ باسپاسٶز قىزمەتٸ.
كاسپيي تەڭٸزٸنٸڭ جاعالاۋىنداعى قامىس ٶرتٸن سٶندٸرۋگە «قازاۆياقۇتقارۋ» اق-نىڭ تٸكۇشاعىمەن اەروۆيزۋالدى تەكسەرۋ جٷرگٸزٸلگەن. تٸكۇشاقتىڭ سۋ شاشۋ قۇرىلعىسىمەن 21 رەت سۋ تٶگٸلدٸ. جالىندى سٶندٸرۋ ٷشٸن تٶگٸلگەن سۋدىڭ مٶلشەرٸ 63 توننانى قۇراعان.
بٷگٸن ٶرتتٸ سٶندٸرۋگە اتىراۋ وبلىستىق تٶتەنشە جاعدايلار دەپارتامەنتٸنٸڭ جەكە قۇرامىنان 34 ادام, 5 تەحنيكا, 4 موتوسورعىش, 1 گەنەراتور, 40 جەڭ, 1 ٷرلەمەلٸ شاتىر, و.كٶشەكوۆ اتىنداعى اتىراۋ اگرارلىق-تەحنيكالىق كوللەدجٸنەن 1 ادام, 1 John Deere-6135b تراكتورى, سونداي-اق, «قازاۆياقۇتقارۋ» اق-نىڭ 5 قىزمەتكەرٸ مەن «مي-871» تٸكۇشاعى جۇمىلعان.
