كاسپيي قۇبىر كونسورتسيۋمىنداعى بولعان اقاۋعا بايلانىستى ەشبٸر مۇنايشى جۇمىستان قىسقارمايدى. ورتالىق كوممۋنيكاتسييالار قىزمەتٸندە ٶتكەن بريفينگٸدە قر ەنەرگەتيكا مينيسترٸ بولات اقشولاقوۆ وسىلاي مەلٸم ەتتٸ, دەپ حابارلايدى قازاقپارات.
«كاسپيي قۇبىر كونسورتسيۋمىندا جۇمىس توقتاپ قالعان كٷندە جۇمىسشىلاردىڭ تاعدىرى نە بولاتىنى تۋرالى مىنانى ايتا الامىن. قاراشىعاناق, قاشاعان, تەڭٸز سيياقتى كەز كەلگەن ٷلكەن جوبادا جوسپارلى ايالداۋ دەگەن ۇعىم بولادى. كەنٸشتٸڭ كٶلەمٸنە بايلانىستى ەكٸ جىلدا نەمەسە ٷش جىلدا بٸر رەت جۇمىس ايالداۋى مٷمكٸن. كەيبٸر نەزٸك توراپتاردىڭ جۇمىسى جىل سايىن بٸر رەت توقتاتىلۋى مٷمكٸن. بٸراق كەنٸشتەگٸ جۇمىستىڭ تٷگەلدەي توقتاۋى جوسپار بويىنشا ٷش جىلدا بٸر رەت قانا بولادى. ونىڭ مەرزٸمٸ قالىپتى جاعدايدا 30 كٷننەن 60 كٷنگە دەيٸن بارۋى مٷمكٸن. ەشكٸم بۇل كەزدە ەشبٸر جۇمىسشىسىن شىعارىپ تاستامايدى. بەرٸ شتاتتىق رەجيمدە جۇمىس ٸستەي بەرەدٸ. سوندىقتان كاسپيي قۇبىر كونسورتسيۋمىنداعى جاعداي ايلىقتىڭ, جۇمىسشىلاردىڭ قىسقارتىلۋىنا ەكەلەدٸ دەۋگە مٷلدە نەگٸز جوق. ٶيتكەنٸ بۇل كەنٸشتەر ٷشٸن شتاتتىق اپات دەسەك بولادى. ياعني, بۇل كەنٸشتەگٸ تەحنيكالىق ايالداۋلاردىڭ شەگٸندەگٸ جاعداي», -دەدٸ ۆەدومستۆو باسشىسى
ايتۋىنشا, بٷگٸنگە دەيٸن ەشبٸر مۇناي كومپانيياسى قالىپتاسقان جاعدايدى العا تارتىپ, جۇمىسشىلاردى قىسقارتۋ تۋرالى باستاما كٶتەرمەگەن.
«ەگەر كەنٸش بٸر جىل بويى جۇمىسسىز تۇرسا, مەسەلە باسقا. بٸراق بٸز شەكتەۋلەر تۋرالى ايتىپ وتىرمىز. بۇل تۇتاس توقتاتۋ ەمەس. 3 اپتانىڭ ٸشٸندە جٶندەيمٸز دەپ وتىر. تٸپتٸ ەر ايلاققا 3 اپتادان كەتتٸ دەگەننٸڭ ٶزٸندە 2 ايدان اسپاۋى كەرەك. بۇل ارالىقتا ەشكٸم ەشكٸمدٸ جۇمىستان بوساتقالى جاتقان جوق. بۇل مەسەلە تۇراقتى باقىلاۋدا. تيٸستٸ وبلىس ەكٸمدەرٸمەن دە سٶيلەسٸپ وتىرمىز. كەسٸپورىنداردىڭ ەشقايسىسى قىزمەتكەرلەرٸن جۇمىستان بوساتۋ تۋرالى ەڭگٸمە كٶتەرگەن جوق», - دەدٸ مينيستر.
