اقتاۋ ماڭىنداعى كاسپيي تەڭٸزٸندە ەر ادام سۋعا باتىپ كٶز جۇمدى. قايعىلى وقيعا Caspian Star دەمالىس بازاسىنىڭ ماڭىندا بولعان, دەپ حابارلايدى ult.kz.
كۋەگەرلەردٸڭ ايتۋىنشا, تەڭٸزدە قاتتى تولقىن كەزٸندە ەكەسٸ مەن بالاسى سۋعا باتا باستاعان. جاعالاۋداعى دەمالۋشىلار دەرەۋ كٶمەككە ۇمتىلىپ, الدىمەن بالانى, كەيٸن ەكەسٸن سۋدان الىپ شىققان.
Lada.kz-تٸڭ جازۋىنشا, ەر ادام جاعاعا ەس-تٷسسٸز كٷيدە جەتكٸزٸلدٸ. وقيعا ورنىنا جەدەل قىزمەتتەر جەتكەنگە دەيٸن كۋەگەرلەر وعان ۇزاق ۋاقىت بويى جٷرەك-ٶكپە رەانيماتسيياسىن جاساعان. كەيٸن قۇتقارۋشىلار مەن جەدەل جەردەمنٸڭ ەكٸ بريگاداسى كٶمەك كٶرسەتكەنٸمەن, ونىڭ ٶمٸرٸن ساقتاپ قالۋ مٷمكٸن بولمادى.
ال قۇتقارىلعان جاسٶسپٸرٸمگە مەديتسينالىق كٶمەك كٶرسەتٸلدٸ. سونداي-اق ونى قۇتقارۋعا سۋعا تٷسكەن ازاماتتاردىڭ بٸرٸ دە دەرٸگەرلەردٸڭ تەكسەرۋٸنەن ٶتتٸ.
الدىن الا مەلٸمەت بويىنشا, قايعىلى وقيعا جاعالاۋدىڭ ارنايى جابدىقتالماعان بٶلٸگٸندە بولعان. كۋەگەرلەردٸڭ سٶزٸنشە, بۇل اۋماقتا تۇراقتى قۇتقارۋ بەكەتٸ جوق, ال ۇيالى بايلانىس ناشار بولعاندىقتان جەدەل قىزمەتتەردٸ شاقىرۋ قيىنداعان.
قازٸرگٸ ۋاقىتتا وقيعانىڭ مەن-جايىن ماڭعىستاۋ وبلىستىق تٶتەنشە جاعدايلار دەپارتامەنتٸ انىقتاپ جاتىر. قۇتقارۋشىلار تۇرعىنداردى تەك ارنايى جابدىقتالعان جاعاجايلاردا شومىلۋعا جەنە تەڭٸزدە قاتتى تولقىن كەزٸندە سۋعا تٷسپەۋگە شاقىردى.
