Kaspi Bank بۇرىنعى قىزمەتكەرٸن ٸزدەپ جاتىر. ول تۋرالى اقپارات بەرۋشٸگە 10 ملن تەڭگە سىياقى تاعايىندالدى, دەپ حابارلايدى "ۇلت اقپارات" بانكتٸڭ Instagram پاراقشاسىنا سٸلتەمە جاساپ.
پاۆلودار قالاسىندا Kaspi Bank قىزمەتكەرٸ بولعان رۋسلان سەكسەمباەۆ بانك كليەنتتەرٸن كەپٸلدەگٸ جىلجىمايتىن مٷلٸكتٸ ساتىپ الۋعا كٶمەكتەسەمٸن دەگەن ۋەدەمەن ٶزٸنٸڭ شوتىنا قاراجات اۋدارتىپ وتىرعان.
«قازٸر پوليتسييا ٸزدەۋ جۇمىستارىن جٷرگٸزٸپ جاتىر. Kaspi قىلمىسكەردٸ تاۋىپ, جازالاۋ, كليەنتتەردٸڭ مٷددەلەرٸن قورعاۋ ماقساتىندا قۇقىق قورعاۋ ورگاندارىمەن بەلسەندٸ جۇمىس جٷرگٸزۋدە. الاياقتىڭ قازٸرگٸ ورنالاسقان جەرٸ تۋرالى اقپارات ٷشٸن Kaspi 10 000 000 تەڭگە مٶلشەرٸندە سىياقى تاعايىندايدى», - دەلٸنگەن حابارلامادا.
بانك ٶكٸلدەرٸ كٷدٸكتٸ تۋرالى دەرەكتەردٸ +7 705 211 16 93 تەلەفون نٶمٸرٸ ارقىلى Kaspi-دٸڭ قاۋٸپسٸزدٸك قىزمەتٸنە حابارلاۋعا بولاتىنىن ايتىپ وتىر.
«ەگەر سٸز نەمەسە سٸزدٸڭ جاقىندارىڭىز وسى ادامنىڭ ەرەكەتتەرٸنەن زارداپ شەكسەڭٸزدەر, پاۆلودار قالاسىنىڭ قۇقىق قورعاۋ ورگاندارىنا ارىزبەن جٷگٸنۋٸڭٸزدٸ سۇرايمىز. بانكپەن جاسالاتىن بارلىق قارجىلىق قاتىناستاردىڭ شارتپەن بەكٸتٸلەتٸنٸن ەستەرٸڭٸزگە سالامىز. بانك ەشقاشان بٸرەۋدٸڭ شوتىنا قاراجات اۋدارۋدى تالاپ ەتپەيدٸ», - دەلٸنگەن اقپاراتتا.
