جەلٸدە ٷيلەنۋ تويىندا تٷسٸرٸلگەن ۆيدەو قازاقستاندىقتار اراسىندا داۋ تۋعىزدى. وندا قالىڭدىق فاتاسىنا Kaspi ارقىلى اقشا اۋدارۋ ٷشٸن QR-كود جاپسىرىلعان, دەپ جازادى Sputnik اگەنتتٸگٸ.
قازاق حالقىندا كەلٸن تٷسٸرگەندە جاسايتىن سالت-دەستٷردٸڭ بٸرٸ – بەتاشار. ٷيلەنۋ تويى كەزٸندە جاڭا تٷسكەن كەلٸنگە اتا-ەنەسٸن, باسقا دا تۋىستارىن تانىستىرادى. كەلٸن يٸلٸپ, ولارعا سەلەم سالادى. تويعا جينالعاندار سىي-سىياپات رەتٸندە اقشا قالدىرادى.
ەدەتتە ٷيلەنۋ تويىندا قالىڭدىق الدىنا اقشا سالىناتىن تاباق قويىلادى. الايدا بٷگٸندە ونلاين تٶلەمنٸڭ تانىمالدىعى ارتىپ, دەستٷرلەر دە زاماناۋي ترەندكە بەيٸمدەلۋدە.
بۇعان جەلٸدە تاراعان ۆيدەو دەلەل. توي ۇيىمداستىرۋشىلارى تۋىسقاندارعا قولما-قول اقشانىڭ ورنىنا Kaspi ارقىلى اقشا اۋدارۋ مٷمكٸندٸگٸن ۇسىنعان. QR-كود تا قالىڭدىقتىڭ فاتاسىنا جاپسىرىلعان.
جەلٸ قولدانۋشىلارىنىڭ پٸكٸرٸ ەكٸگە جارىلدى. بٸرٸ بۇل سالت-دەستٷردٸ قورلاۋ دەسە, ەندٸ بٸرٸ مۇنى ىڭعايلى دەپ سانايدى, ٶيتكەنٸ قازٸر كٶبٸ قالتاسىندا اقشا ۇستامايدى.
"دۇرىس ەمەس, جاڭا تٷسكەن اق كەلٸننٸڭ تازالىعىنا, ارىنا بٸر اقشامەن ساناسقانداي كٶرٸنەدٸ. اق ورامالىنا جابىستىرىپ نە مازاق? تەربيەسٸزدٸك پەن توپاستىق. سالتىمىز اقشامەن تەڭ بولعانداي", - دەپ جازدى الماتى مەسليحاتىنىڭ دەپۋتاتى, بلوگەر قايرات قۇدايبەرگەنوۆتٸڭ جازىلۋشىلارىنىڭ بٸرٸ.
"كٸم نەنٸ قورلادى?! بەرٸ زاماناۋي, كاسپيي قولداناتىنىمىز ٶتٸرٸك ەمەس, قايتا كرەاتيۆتٸ بولعان, سونشا جامان ويشىل بولمايىقشى", - دەيدٸ تاعى بٸر قولدانۋشى.
