Jelide úilený toiynda túsirilgen video qazaqstandyqtar arasynda daý týǵyzdy. Onda qalyńdyq fatasyna Kaspi arqyly aqsha aýdarý úshin QR-kod japsyrylǵan, dep jazady Sputnik agenttigi.
Qazaq halqynda kelin túsirgende jasaityn salt-dástúrdiń biri – betashar. Úilený toiy kezinde jańa túsken kelinge ata-enesin, basqa da týystaryn tanystyrady. Kelin iilip, olarǵa sálem salady. Toiǵa jinalǵandar syi-syiapat retinde aqsha qaldyrady.
Ádette úilený toiynda qalyńdyq aldyna aqsha salynatyn tabaq qoiylady. Alaida búginde onlain tólemniń tanymaldyǵy artyp, dástúrler de zamanaýi trendke beiimdelýde.
Buǵan jelide taraǵan video dálel. Toi uiymdastyrýshylary týysqandarǵa qolma-qol aqshanyń ornyna Kaspi arqyly aqsha aýdarý múmkindigin usynǵan. QR-kod ta qalyńdyqtyń fatasyna japsyrylǵan.
Jeli qoldanýshylarynyń pikiri ekige jaryldy. Biri bul salt-dástúrdi qorlaý dese, endi biri muny yńǵaily dep sanaidy, óitkeni qazir kóbi qaltasynda aqsha ustamaidy.
"Durys emes, jańa túsken aq kelinniń tazalyǵyna, aryna bir aqshamen sanasqandai kórinedi. Aq oramalyna jabystyryp ne mazaq? Tárbiesizdik pen topastyq. Saltymyz aqshamen teń bolǵandai", - dep jazdy Almaty máslihatynyń depýtaty, bloger Qairat Qudaibergenovtiń jazylýshylarynyń biri.
"Kim neni qorlady?! Bári zamanaýi, kaspii qoldanatynymyz ótirik emes, qaita kreativti bolǵan, sonsha jaman oishyl bolmaiyqshy", - deidi taǵy bir qoldanýshy.
