قازاقستاندىقتاردىڭ اقشا اۋدارىمدارىن تەكسەرۋ مەسەلەسٸ ەلٸ تالقىلانىپ جاتىر. بۇل تۋرالى بٷگٸن ۇلتتىق بانك تٶراعاسى ەربولات دوساەۆ مەلٸمدەدٸ, دەپ حابارلايدى "ۇلت اقپارات".
"قارجى مينيسترلٸگٸ Kaspi bank ارقىلى جاسالاتىن اقشا اۋدارىمدارىنا سالىق سالادى دەپ ويلامايمىن. تەك وسى تٶلەمدەردەن سالىق تٶلەنٸپ-تٶلەنبەگەنٸن كٶرٸپ وتىرعىسى كەلەدٸ. بۇل مەسەلەنٸ ۇلتتىق بانك پەن قارجى مينيسترلٸگٸ بٸرلەسٸپ قاراپ جاتىر. قولما-قول اقشاسىز تٶلەم جاساۋ كٶلەمٸ ۇلعايسا, بيۋدجەتكە تٷسەتٸن كٸرٸس تە ارتۋى كەرەك دەپ ويلايمىن. بۇل - قالىپتى نەرسە, سەبەبٸ اقشا كٶلەڭكەلٸ ەكونوميكادان شىعادى", - دەدٸ دوساەۆ جۋرناليستەرگە بەرگەن سۇحباتىندا.
ول بۇل مەسەلە تەك Kaspi بانككە عانا ەمەس, بٷكٸل بانك سەكتورىنا قاتىستى ەكەنٸن قاداپ ايتتى.
"كٶلەڭكەلٸ ەكونوميكانىڭ ٷلەسٸن ازايتۋ باعىتىنداعى بٸرلەسكەن جۇمىس قوسىمشا تابىس الۋ تٷرٸندەگٸ وڭ نەتيجەلەرمەن جالعاسقانىن قالايمىز. بۇل ەزٸرگە قارجى مينيسترلٸگٸنٸڭ ۇسىنىسى عانا, بانك قاۋىمداستىعىمەن تالقىلانىپ جاتىر", - دەدٸ ۇلتتىق بانك تٶراعاسى.
بۇعان دەيٸن قارجى مينيسترلٸگٸ سالىقتان جالتارعان كەسٸپكەرلەردٸ انىقتاۋ ٷشٸن اقشالاي اۋدارىمدار تەكسەرٸلەتٸنٸن مەلٸمدەگەن ەدٸ.
قارجى ۆيتسە-مينيسترٸ رۋسلان ەڭسەباەۆتىڭ ايتۋىنشا, قازٸرگٸ ۋاقىتتا Kaspi Gold - تٶلەم جاساۋدىڭ ەڭ جيٸ قولدانىلاتىن تٷرٸ. الايدا تٶلەم جٷيەسٸ سالىق زاڭناماسىنىڭ تالابىنا ساي ەمەس.
ۆەدومستۆو باسىندا Kaspi.kz ارقىلى اۋدارىم جاساۋعا تىيىم سالۋدى ويلاپتى. بٸراق, بۇل ەل ەكونوميكاسىنا كەرٸ ەسەرٸن تيگٸزۋٸ مٷمكٸن دەگەن پايىمعا كەلگەن.
