قاسكەلەڭ تۇرعىندارى قالانىڭ ورتالىق كٶشەلەرٸندە ٶتكەن كٶكپارعا نارازى بولدى. ۇلتتىق ويىنعا قاتىسۋشىلار جارىس كەزٸندە كٶلٸكتەرگە زاقىم كەلتٸرگەن, - دەپ حابارلايدى Tengrinews.kz تٸلشٸسٸ.
ەلەۋمەتتٸك جەلٸلەردە ٶتكەن دەمالىس كٷندەرٸ قاسكەلەڭ قالاسىندا ٶتكەن كٶكپاردىڭ ۆيدەولارى تارادى. كادرلاردان قاتىسۋشىلار جول بويىندا كٶكپار تارتىپ جٷرگەنٸن كٶرۋگە بولادى. قالا تۇرعىندارى شاباندوزداردىڭ "شابۋىلىنان" قورقىپ, نارازى بولىپ جاتىر.
كۋەگەرلەردٸڭ ايتۋىنشا, شاباندوزدار تۇراققا قويىلعان كٶلٸكتەردٸ بٷلدٸرگەن: جىلقىلار كٶلٸكتەردٸڭ كەي جەرٸن مايىستىرىپ, سىزاتتار قالدىرعان. جەرگٸلٸكتٸ تۇرعىندار كٶكپارداعى كٶپتەگەن ويىنشى وقيعانى تەلەفونعا تٷسٸرۋگە تىيىم سالىپ, تٸپتٸ قورقىتقانىن ايتادى.
پوليتسييا وقيعانىڭ مەن-جايىن انىقتاپ جاتقانىن ايتتى.
"مامىردىڭ 15-ٸندە بٸر توپ شاباندوز قاسكەلەڭ كٶشەلەرٸندە كٶكپار ويىنىن ۇيىمداستىردى. كٶكپار اۋدان ەكٸمدٸگٸمەن كەلٸسٸلمەگەن. ات ويىنىنا قاتىسقان شاباندوزداردىڭ قيمىلى قالانىڭ بٸرنەشە كٶشەسٸندە بولعان. بۇل دەرەك قاراساي اۋداندىق پوليتسييا بٶلٸمٸندە رەسمي تٸركەلدٸ", - دەدٸ الماتى وبلىسى پوليتسييا دەپارتامەنتٸنٸڭ باسپاسٶز قىزمەتٸندەگٸلەر.
تەرتٸپ ساقشىلارىنىڭ ايتۋىنشا, اۋداندىق پوليتسيياعا كٶكپارشىلار كٶلٸگٸن بٷلدٸرگەن 34 جاستاعى تۇرعىن ارىز تٷسٸرگەن.
"قازٸرگٸ ۋاقىتتا ويىندى ۇيىمداستىرۋشى مەن وعان قاتىسۋشىلاردى انىقتاۋ بويىنشا جەدەل ٸزدەستٸرۋ شارالارى جٷرگٸزٸلٸپ جاتىر, ولار مٸندەتتٸ تٷردە جاۋاپقا تارتىلادى", - دەيدٸ تەرتٸپ ساقشىلارى.
