قر پرەمەر-مينيسترٸنٸڭ بٸرٸنشٸ ورىنباسارى ەليحان سمايىلوۆ نەسيەلٸك شارتتار مەن قارجىلاندىرۋعا قولجەتٸمدٸلٸكتٸ ارتتىرۋ شارالارىنا قاتىستى دەپۋتاتتاردىڭ ساۋالىنا جاۋاپ بەردٸ, دەپ حابارلايدى "ۇلت اقپارات".
«كەسٸپكەرلەرگە «بيزنەستٸڭ جول كارتاسى-2025» جەنە «قاراپايىم زاتتار ەكونوميكاسى» باعدارلامالارى بويىنشا قارىزعا قاراجات تٷپكٸلٸكتٸ 6%-بەن بەرٸلەدٸ. «بيزنەستٸڭ جول كارتاسى-2025» باعدارلاماسى بويىنشا بەرٸلەتٸن نەسيە سوماسى 7 ميلليارد تەڭگەگە دەيٸن ۇلعايتىلدى. سۋبسيدييالاۋ مەرزٸمٸ - 5 جىل.
«قاراپايىم زاتتار ەكونوميكاسى» باعدارلاماسى بويىنشا نەسيە سوماسى شەكتەلمەيدٸ. ال سۋبسيدييالاۋ مەرزٸمٸ - 10 جىل. كەپٸلدٸك قۇرالدارى دا جاقسارتىلعان. «بيزنەستٸڭ جول كارتاسى-2025» بويىنشا كەپٸلدٸك - نەسيە سوماسىنىڭ 85%-ىن قۇراۋى مٷمكٸن. «قاراپايىم زاتتار ەكونوميكاسى» بويىنشا كەپٸلدٸك نەسيە سوماسىنىڭ 50%-ىن قۇرايدى. «بيزنەستٸڭ جول كارتاسى 2025» باعدارلاماسىنان سالالىق شەكتەۋلەر الىنىپ تاستالدى. بۇل شاعىن جەنە ورتا بيزنەسكە, قىزمەت تٷرٸنە قاراماستان, باعدارلامانىڭ قاتىسۋشىسى بولۋعا جەنە جەڭٸلدەتٸلگەن قارجىلاندىرۋعا مٷمكٸندٸك بەرەدٸ. تاۋارلار مەن قىزمەتتەردٸڭ تٸزٸمٸ «قاراپايىم زاتتار ەكونوميكاسى» باعدارلاماسى اياسىندا ايتارلىقتاي كەڭەيتٸلدٸ», - دەلٸنگەن ەليحان سمايىلوۆ دەپۋتاتتاردىڭ ساۋالىنا بەرگەن جاۋابىندا.
ول وسى باعدارلاما بويىنشا نەسيەلەندٸرۋدٸڭ جالپى كٶلەمٸ 1 ترلن تەڭگەگە دەيٸن ۇلعايتىلعانىن ەسكە سالدى.
«سونىمەن قاتار, ۇلتتىق بانك سالالىق شەكتەۋسٸز, ونىڭ ٸشٸندە جەكە كەسٸپكەرلەر ٷشٸن شاعىن جەنە ورتا بيزنەستٸ جەڭٸلدەتٸلگەن نەسيەلەۋ باعدارلاماسىن ٸسكە قوستى. نەسيەلەر اينالىم قاراجاتىن تولىقتىرۋ ٷشٸن 1 جىلعا 8%-بەن بەرٸلەدٸ. بۇل باعدارلاماعا 600 ميلليارد تەڭگە بٶلٸنگەن. جالپى, نەسيە بەرۋ شارالارىن ارتتىرۋ ٷشٸن كٶپتەگەن شەكتەۋ الىنىپ تاستالدى, تەتٸكتەر جەڭٸلدەتٸلدٸ. «بيزنەستٸڭ جول كارتاسى-2025» باعدارلاماسى اياسىندا مەملەكەت باسشىسىنىڭ تاپسىرماسى بويىنشا جاڭا باعىت - ميكرو جەنە شاعىن بيزنەسكە شاعىن نەسيە بەرٸلە باستادى. بيزنەستٸڭ وسى ساناتى ٷشٸن سۋبسيدييالار ارقىلى نەسيەلەر 6% مٶلشەرلەمەمەن بەرٸلەدٸ. نەسيەلەر اينالىم قاراجاتىن تولىقتىرۋعا 5 ميلليون تەڭگەگە دەيٸن, ٶندٸرٸستٸك قاجەتتٸلٸككە 20 ميلليون تەڭگەگە دەيٸن بٶلٸنەدٸ», - دەدٸ ۆيتسە-پرەمەر.
سونىمەن قاتار, ول قىزمەت تٷرلەرٸنە ەشقانداي شەكتەۋدٸڭ جوقتىعىن باسا ايتتى.
