اقمولالىق كەسٸپكەر اۋىلىنداعى ورتا مەكتەپكە IT-تەحنولوگييا كابينەتٸن تولىق جابدىقتاپ بەردٸ, دەپ حابارلايدى "ۇلت اقپارات".
ەسٸل اۋدانىنىڭ زارەچنىي اۋىلىندا «زارەچنىي» جشس ديرەكتورى ۋەليحان ەرٸپوۆ ورتا مەكتەپكە روبوت تەحنيكاسى كابينەتٸن سىيلادى. كەسٸپكەر «Nur Otan» پارتيياسىنىڭ مەكتەپتەردە IT-تەحنولوگييا كابينەتتەرٸن ورناتۋ جوباسىنا قولداۋ بٸلدٸرٸپ وتىر. كابينەت قۇنى 4 ميلليون تەڭگە بولاتىن قازٸرگٸ زامانعى قۇرال-جابدىقتارمەن جەنە جيھازبەن جابدىقتالعان.
«كابينەتكە ينتەراكتيۆتٸ تاقتا, 3D پرينتەر, نوۋتبۋك جەنە Arduino جيىنتىعى ساتىپ الىندى. بۇل مەتسەنات ۋەليحان ەرٸپوۆتىڭ اۋىلداستارى ٷشٸن جاساپ وتىرعان العاشقى جاقسىلىعى ەمەس, بۇعان دەيٸن دە تالاي مەرتە قايىرىمدى ٸستەر اتقارىپ حالىقتىڭ العىسىنا بٶلەنٸپ كەلەدٸ. سول سەبەپتٸ, مەكتەپ ۇجىمى كەسٸپكەرگە شىنايى العىسىن بٸلدٸرەدٸ», دەيدٸ ۆەدومستۆونىڭ باسپاسٶز قىزمەتٸندەگٸلەر.
ايتا كەتسەك, ەسٸل اۋدانىنىڭ جەكە كەسٸپكەرلەرٸ «تۋعان جەر» باعدارلاماسىن جٷزەگە اسىرۋعا بٸردەن قولداۋ بٸلدٸرگەن بولاتىن. «ەربٸر قازاقستاندىقتىڭ مٸندەتٸ – ٶزٸنٸڭ ٷيٸنٸڭ, كەڭسەسٸنٸڭ, كەسٸبٸنٸڭ اۋماعىندا تەرتٸپتٸ ساقتاۋ, اۋىلدى كٶركەيتۋگە ٷلەسٸن قوسۋ», - دەيدٸ «نوۆو-پريرەچنوە» سەرٸكتەستٸگٸنٸڭ جەتەكشٸسٸ ۆالەريي تريۋكين. ال, «زارەچنىي» جشس ديرەكتورى ۋەليحان ەرٸپوۆ: «قازٸر قالپىنا كەلتٸرۋ جۇمىستارىن جٷرگٸزەتٸن ۋاقىت كەلدٸ. سوندىقتان, ەلدٸ مەكەندەردٸ اباتتاندىرۋدى قولعا الىپ, «تۋعان جەر» باعدارلاماسىن ٸسكە اسىرۋعا ٶز ٷلەسٸمٸزدٸ قوسقىمىز كەلدٸ»,- دەگەن ەدٸ.
«زارەچنىي» جشس – ەسٸل اۋدانىنىڭ ٸرٸ اۋىل شارۋاشىلىعى كەسٸپورىندارىنىڭ بٸرٸ. «زارەچنىي» جشس ديرەكتورى ۋەليحان ەرٸپوۆ – بەلگٸلٸ مەتسەنات, فەرمەرلەر وداعى, ەت ٶندٸرۋشٸلەر وداعى, قازاقستاننىڭ سەلەكتسيونەرلەر جەنە تۇقىم ٶسٸرۋشٸلەر وداعىنىڭ مٷشەسٸ.
