Aqmolalyq kásipker aýylyndaǵy orta mektepke IT-tehnologiia kabinetin tolyq jabdyqtap berdi, dep habarlaidy "Ult aqparat".
Esil aýdanynyń Zarechnyi aýylynda «Zarechnyi» JShS direktory Ýálihan Áripov orta mektepke robot tehnikasy kabinetin syilady. Kásipker «Nur Otan» partiiasynyń mektepterde IT-tehnologiia kabinetterin ornatý jobasyna qoldaý bildirip otyr. Kabinet quny 4 million teńge bolatyn qazirgi zamanǵy qural-jabdyqtarmen jáne jihazben jabdyqtalǵan.
«Kabinetke interaktivti taqta, 3D printer, noýtbýk jáne Arduino jiyntyǵy satyp alyndy. Bul metsenat Ýálihan Áripovtyń aýyldastary úshin jasap otyrǵan alǵashqy jaqsylyǵy emes, buǵan deiin de talai márte qaiyrymdy ister atqaryp halyqtyń alǵysyna bólenip keledi. Sol sebepti, mektep ujymy kásipkerge shynaiy alǵysyn bildiredi», deidi vedomstvonyń baspasóz qyzmetindegiler.
Aita ketsek, Esil aýdanynyń jeke kásipkerleri «Týǵan jer» baǵdarlamasyn júzege asyrýǵa birden qoldaý bildirgen bolatyn. «Árbir qazaqstandyqtyń mindeti – óziniń úiiniń, keńsesiniń, kásibiniń aýmaǵynda tártipti saqtaý, aýyldy kórkeitýge úlesin qosý», - deidi «Novo-Prirechnoe» seriktestiginiń jetekshisi Valerii Triýkin. Al, «Zarechnyi» JShS direktory Ýálihan Áripov: «Qazir qalpyna keltirý jumystaryn júrgizetin ýaqyt keldi. Sondyqtan, eldi mekenderdi abattandyrýdy qolǵa alyp, «Týǵan jer» baǵdarlamasyn iske asyrýǵa óz úlesimizdi qosqymyz keldi»,- degen edi.
«Zarechnyi» JShS – Esil aýdanynyń iri aýyl sharýashylyǵy kásiporyndarynyń biri. «Zarechnyi» JShS direktory Ýálihan Áripov – belgili metsenat, Fermerler odaǵy, Et óndirýshiler odaǵy, Qazaqstannyń selektsionerler jáne tuqym ósirýshiler odaǵynyń múshesi.
