پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ ەڭبەك كودەكسٸنە قاشىقتان جۇمىس ٸستەۋدٸڭ قۇقىقتىق رەتتەلۋٸن جەتٸلدٸرۋ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى "ۇلت اقپارات".
بۇل قۇجات پارلامەنت دەپۋتاتتارىنىڭ باستاماشىلىعىمەن ەزٸرلەندٸ.
«بٷگٸنگٸ تاڭدا ەلەمدٸك پراكتيكادا قاشىقتان جۇمىس ٸستەۋ بەلسەندٸ دامۋ ٷستٸندە, سونداي-اق جۇمىسكەردٸڭ ارالاس جۇمىس ٸستەۋ رەجيمٸندە جۇمىس ٸستەۋدٸ ٷيلەستٸرۋٸنٸڭ قۇقىقتىق مٷمكٸندٸگٸ كەڭٸنەن تارالعان. كوروناۆيرۋستىڭ تارالۋىنا دەيٸن جٷرگٸزٸلگەن حالىقارالىق زەرتتەۋلەرگە سٷيەنسەك, 2020 جىلدىڭ باسىندا ەلەمدٸك كومپانييالاردىڭ 16%-ى تولىعىمەن قاشىقتان جۇمىس ٸستەدٸ, ال 40%-ى ارالاس جۇمىس رەجيمٸن قولداندى. ٶزدەرٸڭٸزگە بەلگٸلٸ, 2020 جىلى قازاقستان اۋماعىندا COVID-19 كوروناۆيرۋس ينفەكتسيياسىنىڭ تارالۋى, قىزمەتكەرلەردٸڭ ورتا ەسەپپەن 70%-ىن قاشىقتان جۇمىس ٸستەۋگە اۋىستىرىپ, جۇمىس رەجيمٸنٸڭ ٶزگەرۋٸنە الىپ كەلدٸ», - دەدٸ سەنات دەپۋتاتى ناريمان تٶرەعاليەۆ زاڭ جوباسىن بٸرٸنشٸ وقىلىمدا قاراۋ كەزٸندە.
ونىڭ ايتۋىنشا, ەلٸمٸزدە قاشىقتان جۇمىس ٸستەۋدٸ ۇيىمداستىرۋدىڭ قالىپتاسقان تەجٸريبەسٸ, پاندەمييا كەزەڭٸندەگٸ ەڭبەك سالاسىنداعى ناقتى پروتسەستەر مەن ەڭبەك زاڭناماسى اراسىنداعى الشاقتىقتى كٶرسەتتٸ. اتالعان مەسەلەلەر قولدانىستاعى ەڭبەك كودەكسٸنٸڭ 138-بابىمەن عانا رەتتەلدٸ, ول ٶز كەزەگٸندە بٷگٸنگٸ قاشىقتان جۇمىس ٸستەۋ پروبلەمالارىن تولىققاندى شەشۋگە مٷمكٸندٸك بەرمەدٸ. انىقتالعان ولقىلىقتاردى ەسكەرە وتىرىپ دەپۋتاتتار بٸرقاتار ۇسىنىس جاسادى.
«اتاپ ايتقاندا قاشىقتان جۇمىس ٸستەۋگە اۋىسقان قىزمەتكەرلەردٸڭ تاپ بولعان ٶتكٸر مەسەلەلەرٸنٸڭ بٸرٸ – كوممۋنيكاتسييا قۇرالدارىمەن, كومپيۋتەرلەرمەن جەنە باسقا دا قۇرالدارمەن قامتاماسىز ەتۋ بولاتىن. وسىعان بايلانىستى زاڭ جوباسىندا كٶزدەلگەن نورماعا سەيكەس, تٶتەنشە جاعدايدى ەنگٸزۋ, جارييالاۋ جەنە شەكتەۋ ٸسشارالارىن, ونىڭ ٸشٸندە كارانتيندٸ ەنگٸزۋ كەزەڭٸندە ۋاقىتشا قاشىقتان جۇمىس ٸستەۋ كەزٸندە جۇمىسكەرلەردٸ كوممۋنيكاتسييا قۇرالدارىمەن قامتاماسىز ەتۋ جەنە شىعىستاردى ٶتەۋ قاجەتتٸلٸگٸ جۇمىس بەرۋشٸنٸڭ اكتٸسٸندە ايقىندالادى. ەگەر جۇمىسكەر ٶزٸنٸڭ كوممۋنيكاتسييا قۇرالدارىن تۇراقتى نەگٸزدە پايدالاناتىن بولسا, جۇمىس بەرۋشٸ ٶتەماقى تٶلەي الادى, ونىڭ مٶلشەرٸ, تٶلەۋ تەرتٸبٸ مەن مەرزٸمدەرٸ تاراپتاردىڭ كەلٸسۋٸ بويىنشا بەلگٸلەنەدٸ», - دەپ تٷسٸندٸردٸ سەناتور.
كەلەسٸ تاعى بٸر نورما, تاراپتاردىڭ كەلٸسۋٸ بويىنشا قاشىقتان جەنە قاشىقتان ارالاس جۇمىس ٸستەۋ ۇعىمدارىن ەنگٸزۋ تۋرالى. ارالاس جۇمىس ٸستەۋ جۇمىس كەزەڭدەرٸن جۇمىس بەرۋشٸ ورنالاسقان جەردە دە, ودان تىس جەردە دە كەزەكتەستٸرۋگە مٷمكٸندٸك بەرەدٸ.
«جۇمىسكەرلەردٸڭ ەڭبەك قۇقىقتارىن قورعاۋ ماقساتىندا ەڭبەك شارتىندا جۇمىس ۋاقىتىنىڭ تٸركەلگەن ەسەبٸن بەلگٸلەۋ جٶنٸندەگٸ نورما كٶزدەلدٸ, وسى ۋاقىت ٸشٸندە جۇمىسكەر جۇمىس ۋاقىتىنىڭ كٷندەلٸكتٸ ۇزاقتىعىنىڭ شەكتەۋلەرٸن ساقتاي وتىرىپ, جۇمىس ۋاقىتى شەگٸندە جۇمىس بەرۋشٸمەن بايلانىستا بولۋ ٷشٸن قولجەتٸمدٸلٸك رەجيمٸندە بولۋعا تيٸس.
بۇل رەتتە, ەڭبەك شارتى تاراپتارىنىڭ كەلٸسۋٸ بويىنشا قاشىقتان جۇمىس ٸستەيتٸن جۇمىسكەرلەر ٷشٸن جۇمىس ۋاقىتىنىڭ جيىنتىق ەسەبٸن قولدانا وتىرىپ, يكەمدٸ جۇمىس ۋاقىتى رەجيمٸ بەلگٸلەنۋٸ مٷمكٸن.
سونىمەن بٸرگە, ورىندالاتىن جۇمىس كٶلەمٸ ساقتالعان جاعدايدا جۇمىس بەرۋشٸگە, قاشىقتان جۇمىس ٸستەيتٸن قىزمەتكەردٸڭ جالاقىسىن تٶمەندەتۋگە مٷمكٸندٸك بەرمەيتٸن نورما ەنگٸزٸلدٸ. جۇمىس بەرۋشٸنٸڭ, جۇمىسكەرلەر قاشىقتىقتان جۇمىس ٸستەۋ كەزٸندە پايدالاناتىن قۇپييا اقپاراتتى قورعاۋ تۋرالى شارت جاساسۋ قۇقىعى بەكٸتٸلدٸ», - دەدٸ ناريمان تٶرەعاليەۆ.
ونىڭ پايىمىنشا, زاڭ جوباسىنىڭ قابىلدانۋىمەن قاشىقتان جۇمىس ٸستەۋدٸ ناقتى رەگلامەنتتەۋ جەنە ەڭبەك شارتى تاراپتارىنىڭ قۇقىقتارى مەن مٸندەتتەرٸن بەكٸتۋ ارقىلى جۇمىسكەرلەردٸڭ ەڭبەك قۇقىقتارىن قورعاۋ قامتاماسىز ەتٸلەتٸن بولادى.
