مەكتەپكە دەيٸنگٸ ورتا بٸلٸم بەرۋ كوميتەتٸنٸڭ تٶراعاسى مايرا مەلدەبەكوۆا باق ٶكٸلدەرٸنە بەرگەن سۇحباتىندا دٷنيەجٷزٸلٸك بانكپەن بٸرگە جٷرگٸزٸلگەن زەرتتەۋدٸڭ العاشقى نەتيجەسٸ تۋرالى مەلٸمەت بەردٸ, دەپ حابارلايدى قازاقپارات.
«قاشىقتان وقىتۋدىڭ ساپاسى بويىنشا بٸلٸم جەنە عىلىم مينيسترلٸگٸ دٷنيەجٷزٸلٸك بانكتٸڭ ساراپشىلارىمەن بٸرگە زەرتتەۋ جٷرگٸزدٸ. ەرينە, ساپاعا بايلانىستى سۇراقتار بولادى. مىسالى جوعارى سىنىپ وقۋشىلارىنىڭ اقپاراتتىق تەحنولوگييالاردى جاقسى مەڭگەرۋٸ قاشىقتان بەرٸلگەن بٸلٸمنٸڭ ساپاسىنا وڭ ەسەر ەتٸپ وتىر. كٷندەلٸكتٸ رەجيمٸن ناقتى رەتتەپ ٷيرەنگەن بالالار كەرٸسٸنشە وسىنداي فورماتتى ىڭعايلى دەپ وتىر. قوسىمشا ٷيٸرمەلەر مەن سپورتپەن شۇعىلدانۋعا بوس ۋاقىت تابىلعانىن العا تارتۋدا», - دەگەن مينيسترلٸك ٶكٸلٸ قاشىقتان بەرٸلگەن بٸلٸمگە بٸرجاقتى باعا بەرۋگە بولمايدى دەگەن پايىمىن جەتكٸزدٸ.
«زەرتتەۋ قورىتىندىسى بٸلٸم ساپاسىندا مەسەلە بار ەكەنٸن كٶرسەتتٸ. سوندىقتان دا جازعى مەكتەپتٸ قولعا الىپ وتىرمىز. وقۋ جىلىنىڭ قورىتىندىسى بارلىق قورىتىندى باعالار قويىلىپ بٸتكەننەن كەيٸن جٷرگٸزٸلەدٸ. بٸراق, مۇعالٸم رەتٸندە دەستٷرلٸ وقىتۋدى قاشىقتان وقىتۋ فورماتىمەن سالىستىرۋعا بولمايتىنىن ايتار ەدٸم. مۇعالٸم وقۋشىمەن كٶزبە-كٶز وتىرىپ, تاقىرىپتى تٷسٸندٸرۋٸ مٷلدە بٶلەك دٷنيە. مۇنداي وقىتۋدىڭ ەدٸستەمەسٸ دە ٶزگەشە. ال قاشىقتان وقىتۋ فورماتىندا تٷرلٸ تەحنولوگييالار قولدانىلادى. سينحروندى جەنە اسينحروندى دەگەن ەكٸ تٷرلٸ فورمات بار. سوندىقتان, قاشىقتان بٸلٸم بەردۋٸڭ بٸلٸم ساپاسىندا كٶرٸنٸس تاباتىنى بەلگٸلٸ. كەيبٸر وقۋشىلاردىڭ قاشىقتان وقۋعا جاعدايى كەلٸڭكٸرەمەي جاتتى. كومپيۋتەرمەن, ينتەرنەتپەن پروبلەما بولعانىن بٸلەسٸزدەر. سونىڭ بەرٸن ەسكەرسەك, ەندٸ بٸزگە سول ولقىلىقتاردىڭ ورنىن تولتىرۋ كەرەك بولىپ وتىر», - دەدٸ مايرا مەلدەبەكوۆا.
