"يراك اقپارات قۇرالدارىنىڭ مەلٸمەتٸنشە, قاشقىن تەجٸك پولكوۆنيگٸ گۋلمۋرود حاليموۆ «يسلام مەملەكەتٸ» تەرروريستٸك توبىنىڭ ەسكەري ليدەرٸ بولىپ تاعايىندالعان", - دەپ جازادى centralasian.org.
Alsumaria.tv پورتالى سەنبٸ, 3 قىرقٷيەكتە نايناۆا يراك پروۆينتسيياسىنداعى قاۋٸپسٸزدٸك قىزمەتٸنٸڭ دەرەككٶزٸنە سٸلتەمە جاساپ, «يسلام مەملەكەتٸ» تەجٸكستاننان قاشىپ كەتكەن پولكوۆنيك گۋلمۋرود حاليموۆتى قازا تاپقان ابۋ ۋمار اش-شيشانيدٸڭ ورنىنان ەسكەري قولباسشى ەتٸپ تاعايىندالعانىن حابارلادى.
اتالعان پورتالدىڭ مەلٸمەتٸنشە, يم بۇل تاعايىنداۋدى اقش جەتەكشٸلٸك ەتەتٸن حالىقارالىق كواليتسييانىڭ شابۋىلدارىنان قاۋٸپتەنٸپ, رەسمي تٷردە جارييالاماعان. وسىعان دەيٸن يم-نٸڭ كٶپتەگەن قولباسشىلارى ەۋە شابۋىلدارىنان قازا تاپقان.
بٸرنەشە كٷن بۇرىن اقش يم-نٸڭ قۇرامىنا قوسىلعان تەجٸك پولكوۆنيگٸنٸڭ مەكەن-جايى تۋرالى اقپارات بەرگەندەرگە, 3 ميلليون دوللار تٶلەۋگە دايىنبىز دەپ مەلٸمدەگەن. حاليموۆتى تەرروريستٸك توپتىڭ باستى فيگۋرالارىنىڭ بٸرٸ دەپ ەسەپتەيدٸ.
تەجٸكستان ٸشكٸ ٸستەر مينيسترلٸگٸنٸڭ بۇرىنعى پولكوۆنيگٸ ەسكەري مەرگەن بولعان. 2003-2014 جىلدارى امەريكالىق تەرروريزمگە قارسى كٷرەس ورتالىعىندا ارنايى جاتتىعۋدان ٶتكەن. گۋلمۋرود حاليموۆ 2014 جىلدىڭ سەۋٸر ايىندا جوعالىپ كەتتٸ. بٸر ايدان سوڭ سيرييادان تابىلدى.
