"Irak aqparat quraldarynyń málimetinshe, qashqyn tájik polkovnigi Gýlmýrod Halimov «Islam memleketi» terroristik tobynyń áskeri lideri bolyp taǵaiyndalǵan", - dep jazady centralasian.org.
Alsumaria.tv portaly senbi, 3 qyrqúiekte Nainava irak provintsiiasyndaǵy qaýipsizdik qyzmetiniń derekkózine silteme jasap, «Islam memleketi» Tájikstannan qashyp ketken polkovnik Gýlmýrod Halimovty qaza tapqan Abý Ýmar ash-Shishanidiń ornynan áskeri qolbasshy etip taǵaiyndalǵanyn habarlady.
Atalǵan portaldyń málimetinshe, IM bul taǵaiyndaýdy AQSh jetekshilik etetin halyqaralyq koalitsiianyń shabýyldarynan qaýiptenip, resmi túrde jariialamaǵan. Osyǵan deiin IM-niń kóptegen qolbasshylary áýe shabýyldarynan qaza tapqan.
Birneshe kún buryn AQSh IM-niń quramyna qosylǵan tájik polkovniginiń meken-jaiy týraly aqparat bergenderge, 3 million dollar tóleýge daiynbyz dep málimdegen. Halimovty terroristik toptyń basty figýralarynyń biri dep esepteidi.
Tájikstan ishki ister ministrliginiń burynǵy polkovnigi áskeri mergen bolǵan. 2003-2014 jyldary amerikalyq terrorizmge qarsy kúres ortalyǵynda arnaiy jattyǵýdan ótken. Gýlmýrod Halimov 2014 jyldyń sáýir aiynda joǵalyp ketti. Bir aidan soń Siriiadan tabyldy.
