قاشاعاندا گاز ٶڭدەۋ زاۋىتىن سالىپ جاتقان GPC Investment كومپانيياسى رەسپۋبليكالىق مەنشٸككە ٶتەدٸ. ٷكٸمەت تيٸستٸ قاۋلىنى قابىلدادى, - دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
"GPC Investment" جشس جارعىلىق كاپيتالىنا قاتىسۋ ٷلەستەرٸنٸڭ 100 پايىزىن سىيعا تارتۋ شارتى بويىنشا رەسپۋبليكالىق مەنشٸككە بەرۋ تۋرالى "Tau Bereke Group" جشس-نىڭ ۇسىنىسى قابىلدانسىن", - دەلٸنگەن قاۋلى مەتٸنٸندە.
ايتا كەتەيٸك, "GPC Investment" كومپانيياسى – "قاشاعان كەن ورنى شيكٸزاتىنىڭ بازاسىندا قۋاتى تەكشەسٸنە 1,15 ميلليارد مەتر گاز ٶڭدەۋ زاۋىتىن سالۋ" جوباسىنىڭ وپەراتورى.
"جەكە ينۆەستوردىڭ جوبانى ٸسكە اسىرۋدى جالعاستىرۋدان باس تارتۋىنا بايلانىستى GPC Investment كومپانيياسى "QazaqGaz" ۇك" اق بالانسىنا بەرٸلەدٸ.
ٶز كەزەگٸندە, بۇل ٸشكٸ نارىقتى باعاسى قولجەتٸمدٸ تاۋارلىق جەنە سۇيىتىلعان گازبەن قامتاماسىز ەتۋدٸ ارتتىرۋعا, سونداي-اق زاۋىت قۇرىلىسىنىڭ جوباسىن ۋاقىتىلى جٷزەگە اسىرۋعا مٷمكٸندٸك بەرەدٸ", - دەيدٸ ٷكٸمەتتٸڭ باسپاسٶز قىزمەتٸ.
