16 ناۋرىزدا قارجى پيراميداسىنا الدانعان سالىمشىلاردىڭ باستاماشىل توبى نۇر-سۇلتان قالاسىنا جينالىپ, قازاقستان پرەزيدەنتٸ ەكٸمشٸلٸگٸنٸڭ كەڭسەسٸنە حات تاپسىردى. باستاماشىل توپتى پوليتسييا باقىلاپ جٷردٸ. سالىمشىلار «گارانت 24», «ۆىگودنىي زايم», «ەستەت لومبارد» قارجى كومپانييالارىنا بەرگەن اقشالارىن قايتارا الماعانىنا نارازى.
ٶزٸن «سالىمشىلاردى قورعاۋ جٶنٸندەگٸ رەسپۋبليكالىق قوعامدىق كوميتەت ٷيلەستٸرۋشٸسٸمٸن» دەپ تانىستىرعان جانار دەۋلەتوۆا «باستاماشىل توپتى پوليتسييا تاڭنان بەرٸ باقىلاپ, ٷيدەن شىعارماي وتىرعانىنا» شاعىمداندى.
- حاتىمىزدى پرەزيدەنت ەكٸمشٸلٸگٸنٸڭ كەڭەسٸنە تاپسىرعىمىز كەلگەن. سالىمشىلار مەسەلەسٸنە ٷكٸمەت پەن پارلامەنت ارالاسپاسا بولمايدى, - دەيدٸ ول.
شىمكەنت, تاراز, ورالدان كەلگەن باستاماشىل توپ ٶكٸلدەرٸ سالىمشىلاردىڭ كەيبٸرٸ كٶلٸگٸن, كەيبٸرٸ پەتەرٸن ساتىپ, قارجى كومپانيياسىنا سالعانىن ايتادى.
جانار دەۋلەتوۆانىڭ سٶزٸنشە, سالىمشىلار مەسەلەسٸمەن اينالىساتىن قوعامدىق كوميتەتتٸڭ 25915 ادامعا جٷرگٸزگەن ساۋالناماسى بارىسىندا ولاردىڭ 23 ميلليارد تەڭگەدەن استام شىعىن شەككەنٸن كٶرسەتكەن.
قاسىم - جومارت توقاەۆقا جازىلعان حاتتا «اقشالارىنان ايىرىلعان جاس كەلٸنشەك تامىرىن كەسٸپ, ەكٸ كٸشكەنتاي بالاسى جەتٸم قالدى. جەتٸسايدىڭ 49 جاستاعى تۇرعىنى 2 ناۋرىزدا ٶزٸنە قول سالدى» دەپ جازىلعان.
پوليتسييا قىزمەتكەرلەرٸ باستاماشىل توپتى نەگە ٷيٸنەن شىعارماي وتىرعانىن تٷسٸندٸرمەدٸ. كەيٸننەن باستاماشىل توپ ٶكٸلدەرٸ پوليتسييا باقىلاۋىمەن پرەزيدەنت ەكٸمشٸلٸگٸنە حات تاپسىرعانىن حابارلادى.
بۇعان دەيٸن قازاقستاننىڭ بٸرقاتار قالالارىندا «قارجى ۇيىمدارىنا الداندىق" دەگەن تۇرعىندار بيلٸكتەن مەسەلەلەرٸن شەشٸپ بەرۋدٸ تالاپ ەتكەن.
16 ناۋرىزدا اقتٶبەدە قالاسىندا سالىمشىلار نارازىلىق بٸلدٸرگەن. جەكسەنبٸدە قىزىلوردادا بٸر توپ سالىمشى «گارانت 24 لومبارد» جەتەكشٸلەرٸنٸڭ بٸرٸنٸڭ ٷيٸنە بارىپ, اقشالارىن قايتارۋدى تالاپ ەتكەن.
اقپان ايىنىڭ سوڭىندا ٸشكٸ ٸستەر مينيسترلٸگٸ «گارانت 24 لومبارد» كومپانيياسى قۇرىلتايشىسىنىڭ كيشينەۆتە ۇستالعانىن, ونى قازاقستانعا ەكستراديتسييالاۋ مەسەلەسٸ قاراستىرىلىپ جاتقانىن حابارلاعان.
