قاراعاندىدا قر قىلمىستىق كودەكسٸنٸڭ 217-بابى بويىنشا قىلمىستىق جاۋاپكەرشٸلٸككە تارتىلعان 34 جاستاعى ەر ادامعا سوت ٷكٸمٸ شىقتى. قىسقا ۋاقىت ارالىعىندا الاياق 67 ادامدى الداپ, 50 ملن تەڭگەدەن استام قاراجاتتى قولدى قىلعان, دەپ حابارلايدى قازاقپارات.
2019 جىلى موبيلدٸ قوسىمشالاردىڭ بٸرٸندە قاراعاندىلىق الاياق چات اشىپ, ونىڭ كٶمەگٸمەن قولدانىستاعى ينۆەستيتسييالىق باعدارلاما تۋرالى جالعان اقپارات تاراتا باستاعان.
سالىمشىلاردى زييانكەس باعدارلامانىڭ باستى مٸندەتٸ - سالىنعان سوماعا بايلانىستى ەكٸ ەسە مٶلشەردە پايدا الۋ ماقساتىندا قاراجاتىن بەلگٸلٸ بٸر بيرجاعا ينۆەستيتسييالاۋ دەپ سەندٸرگەن.
ول ويدان ماركەتينگتٸك جوسپار قۇرىپ, وعان سەيكەس جينالعان اقشاعا كەيبٸر كومپانييالاردىڭ اكتسييالارىن ساتىپ الىپ, باسقا كومپانييالاردىڭ اكتسييالارىن ساتۋعا جۇمسالادى دەپ كٶرسەتٸلگەن.
ەكٸ جىل بويى قاراعاندى وبلىسى پوليتسييا دەپارتامەنتٸ تەرگەۋ باسقارماسىنىڭ تەرگەۋشٸلەرٸ كٷدٸكتٸ كٸنەسٸنٸڭ بۇلتارتپاس ايعاقتارىن مۇقييات جيناعان.
«ٶزٸنٸڭ تۋىستارى مەن تانىستارىنىڭ بانك كارتوچكالارىن پايدالانا وتىرىپ, ەر ادام قولما-قول اقشاسىز اقشا اۋدارۋ ارقىلى ازاماتتاردان سالىم قابىلداي باستادى. 2019 جىلعى 27 قازاندا قر قك 217-بابى بويىنشا قىلمىستىق ٸس تٸركەلدٸ. تەرگەۋ بارىسىندا 67 جەبٸرلەنۋشٸ انىقتالدى. ولارعا جالپى سوماسى 51 ملن 435 مىڭ تەڭگە زالال كەلگەن. سوت ٷكٸم شىعاردى, وعان سەيكەس قارجى پيراميداسىن قۇرۋشى بەس جىلعا باس بوستاندىعىنان ايىرىلدى», - دەپ حابارلادى قاراعاندى وبلىسى پد باستىعى ەرلان فايزۋللين.
