قر ۇلتتىق بانكٸ تٶراعاسىنىڭ ورىنباسارى ەلييا مولدابەكوۆا ەلدەگٸ تٶتەنشە جاعداي كەزٸندە اقشا جەنە ۆاليۋتا نارىعىنداعى جاعدايدى تۇراقتاندىرۋ بويىنشا ۇب قابىلداعان شارالار تۋرالى ايتىپ بەردٸ, دەپ حابارلايدى قازاقپارات.
«ەلدەگٸ جاعداي تۇراقتانعان العاشقى كٷننەن باستاپ ۇلتتىق بانك قارجى نارىعىنىڭ قالىپتى جۇمىس ٸستەۋٸن قالپىنا كەلتٸرۋ بويىنشا بارلىق قاجەتتٸ شارالاردى قابىلدادى. بٸرٸنشٸدەن, 7 قاڭتاردان باستاپ حالىققا ارنالعان نەگٸزگٸ بانكتٸك قىزمەتتەر كەزەڭ-كەزەڭٸمەن قالپىنا كەلتٸرٸلدٸ. ەكٸنشٸدەن, 10 قاڭتاردان باستاپ اقشا جەنە قور نارىقتارىنداعى وپەراتسييالار قايتا قالپىنا كەلتٸرٸلدٸ. ۇلتتىق بانك ٶتٸمدٸلٸكتٸ ۇسىنۋ جەنە الۋ بويىنشا ەكٸنشٸ دەڭگەيلٸ بانكتەرمەن كٷن سايىنعى وپەراتسييالاردى قايتا باستادى. بانك سەكتورىنىڭ ٶتٸمدٸلٸك تەۋەكەلدەرٸنٸڭ الدىن الۋ ماقساتىندا ۇلتتىق بانك رەپو جەنە سۆوپ نارىعىندا ٶتٸمدٸلٸكتٸ بارىنشا ۇزاق مەرزٸمگە: 7, 30 جەنە 90 كٷنگە ۇسىنۋعا كٸرٸستٸ. بۇدان باسقا, جاعدايدىڭ تۇراقتانۋىنا قاراي نارىقتى قولما-قول شەتەل جەنە ۇلتتىق ۆاليۋتامەن ٷزدٸكسٸز نىعايتۋ بويىنشا جۇمىس جٷرگٸزٸلۋدە», - دەدٸ مولدابەكوۆا.
ٷشٸنشٸدەن, 12 قاڭتاردان باستاپ ۆاليۋتا نارىعىنداعى ساۋدا-ساتتىق ٸسكە قوسىلدى. ۇلتتىق بانك ساۋدا-ساتتىق قايتا باستالعاننان كەيٸنگٸ العاشقى كٷندەرٸ شەتەل ۆاليۋتاسىنا سۇرانىستىڭ ارتۋىن جەنە ونىڭ شەكتەۋلٸ ۇسىنىسىن كٷتتٸ.
«سوندىقتان, ۆاليۋتا نارىعىنىڭ اشىلۋى قارساڭىندا بۇرىن-سوڭدى بولماعان وقيعالار اياسىندا تەڭگەگە الىپساتارلىق قىسىمنىڭ كٶرسەتٸلۋٸنە جول بەرمەۋ ماقساتىندا ۆاليۋتالىق ينتەرۆەنتسييا جٷرگٸزۋگە دايىن ەكەنٸمٸزدٸ مەلٸمدەدٸك. شىنىندا دا, ۆاليۋتالار بويىنشا بٸر اپتاعا جۋىق ساۋدا-ساتتىقتىڭ بولماۋىن ەسكەرە وتىرىپ, بيزنەس تاراپىنان, سول سيياقتى حالىق تاراپىنان شەتەل ۆاليۋتاسىنا جيناقتالعان سۇرانىس پايدا بولدى. جاعداي تەڭگە باعامىنىڭ بۇدان بىلايعى قوزعالىسى بويىنشا ورىن العان وقيعالار مەن بەلگٸسٸزدٸك اياسىندا ۆاليۋتا ساتۋشىلار سانىنىڭ ٶتە شەكتەۋلٸ بولۋىمەن كٷردەلەنە تٷستٸ», - دەدٸ ۇب ٶكٸلٸ.
