قازاقستان پرەمەر-مينيسترٸنٸڭ بٸرٸنشٸ ورىنباسارى – قارجى مينيسترٸ ەليحان سمايىلوۆ ەيەلدەردٸڭ زەينەت جاسىن 55 جاسقا دەيٸن تٶمەندەتۋگە قاتىستى تٷسٸنٸكتەمە بەردٸ, دەپ حابارلايدى Sputnik قازاقستان.
6 قىركٷيەكتە پرەزيدەنتتٸڭ تٶراعالىعىمەن ٶتكەن ۇلتتىق قوعامدىق سەنٸم كەڭەسٸنٸڭ وتىرىسىندا قوعام قايراتكەرٸ جەنٸبەك قوجىق ەيەلدەردٸڭ زەينەت جاسىن 55 جاسقا دەيٸن تٶمەندەتۋدٸ ۇسىنعان بولاتىن. باق ٶكٸلدەرٸ وسىعان قاتىستى قارجى مينيسترٸنٸڭ پٸكٸرٸن سۇرادى.
سمايىلوۆ قازٸر ەلدە زەينەت جاسىن تٶمەندەتۋ ەمەس, ۇلعايتۋ جۇمىسى جٷرٸپ جاتقانىن ەسكە سالدى.
"بۇل ۇسىنىستى ەستٸدٸك, الايدا قازٸر بٷكٸل ەلەمدە كەرٸ پروتسەسس جٷرٸپ جاتىر. ەلەم ەلدەرٸندە ەيەلدەر زەينەتكە 65-67 جاستان شىعادى. سەبەبٸ جەر بەتٸندەگٸ حالىقتىڭ ٶمٸر سٷرۋ دەڭگەيٸ جاقسارىپ كەلەدٸ", - دەدٸ ول مەجٸلٸس كۋلۋارىندا.
مينيستر ۇلتتىق كەڭەستە ايتىلعان بارلىق ۇسىنىس ٷكٸمەتتە قارالىپ جاتقانىن جەتكٸزدٸ. تيٸستٸ مەملەكەتتٸك ورگاندار ەر ۇسىنىستى سارالاپ, ٶز پوزيتسيياسىن دايىندايدى.
"زەينەت جاسىن تٶمەندەتۋ تۋرالى ۇسىنىستى دا قاراستىرامىز. الايدا بۇل جەردە مىناداي بٸر پروبلەما بار. قازٸر جەر شارىندا 65 جاستان اسقان حالىقتىڭ ٷلەسٸ ارتىپ كەلەدٸ. بٸز دە وسى جەتٸ پروتسەنتتٸك شەكتەن اسىپ كەتتٸك. ياعني, جاسى الپىس بەستەن اسقان حالىقتىڭ سانى 7 پروتسەنتتەن كٶپ. ەلٸمٸزدە ەگدە جاستاعى ازاماتتاردىڭ سانى جىلدان جىلعا كٶبەيٸپ كەلەدٸ. ەگەر بٸز زەينەتكەرلەردٸ لايىقتى ٶمٸرمەن قامتاماسىز ەتكٸمٸز كەلسە, زەينەتاقى جٷيەسٸنٸڭ تۇراقتىلىعىنا مەن بەرۋٸمٸز قاجەت", - دەدٸ سمايىلوۆ.
ونىڭ ايتۋىنشا, ەلدە ەڭبەككە قابٸلەتتٸ قانشا ازامات جۇمىس ٸستەيتٸنٸن, قانشا ازامات زەينەتاقى جٷيەسٸ ەسەبٸنەن قامتاماسىز ەتٸلگەنٸنە تالداۋ جاسالىپتى. ونىڭ قورىتىندىسى بويىنشا ەيەلدەردٸڭ جاسىن كەزەڭ-كەزەڭمەن ۇلعايتۋ تۋرالى زاڭ قابىلدانعان. دەسە دە, ونىڭ ايتۋىنشا, ۇلتتىق كەڭەستە جارييا ەتٸلگەن ۇسىنىستار قوسىمشا تالقىلانادى.
جۋرناليستەردٸڭ 63 جاس تىم كٶپ ەمەس پە دەگەن سۇراعىنا مينيستر:
"بۇل ٶمٸردٸڭ قاتال شىندىعى", - دەپ قىسقا قايىردى ول.
ايتا كەتسەك, قازاقستاندا ەيەلدەردٸڭ زەينەت جاسى 2027 جىلدىڭ 1 قاڭتارىنا قاراي بٸرتٸندەپ 58 جاستان 63 جاسقا دەيٸن ۇلعايادى. جىل سايىن زەينەت جاسىنا جارتى جىلدان قوسىلىپ وتىرادى
