ورتا مەرزٸمدٸ كەزەڭدە ترانسفەرت سوماسى بٸرتٸندەپ قىسقاراتىن بولادى. بۇل تۋرالى پارلامەنت پالاتالارىنىڭ بٸرلەسكەن وتىرىسىندا قارجى مينيسترٸ ەرۇلان جاماۋباەۆ مەلٸم ەتتٸ, دەپ حابارلايدى قازاقپارات.
«ەسەپ كوميتەتٸ ۇلتتىق قورعا اۋدارىلۋى تيٸس قاراجاتتاردىڭ باسقا ماقساتتارعا جۇمسالعانى تۋرالى اتاپ ٶتتٸ. ٶتكەن جىلى ۇلتتىق قورعا جٸبەرٸلۋٸ تيٸس بارلىق سالىقتار مەن تٶلەمدەر تولىق كٶلەمدە اۋدارىلدى. قاراشىعاناق جوباسىنا قاتىستى اربيتراجدىق داۋلاردىڭ قورىتىندىلارى بويىنشا قارجىلىق ٶتەماقىنى اۋدارۋ بيۋدجەتتٸك سىنىپتاماعا جەنە زاڭناماعا سەيكەس «رەسپۋبليكالىق بيۋدجەتكە سالىقتىق ەمەس باسقا دا تٷسٸمدەر» كودىنا تٷستٸ. ياعني بەرٸ ماقساتقا جەنە زاڭعا ساي. بۇل رەتتە, ۇلتتىق قوردىڭ اكتيۆتەرٸ 2020 جىلى 744 ملرد تەڭگەگە ٶستٸ», - دەدٸ جاماۋباەۆ ٷكٸمەت پەن ەسەپ كوميتەتٸنٸڭ 2020 جىلعا ارنالعان رەسپۋبليكالىق بيۋدجەتتٸڭ اتقارىلۋى تۋرالى ەسەپتەرٸن قاراۋ كەزٸندە.
ونىڭ ايتۋىنشا, قوردى باسقارۋدان تٷسكەن ينۆەستيتسييالىق كٸرٸس 4,1 ترلن تەڭگە قۇرادى, بۇل 2019 جىلمەن سالىستىرعاندا 2,5 ەسەگە كٶپ.
«كەلەشەكتە كەپٸلدەندٸرٸلگەن ترانسفەرت بويىنشا كونترتسيكلدىق قاعيدانى قولدانۋ ٷشٸن بيۋدجەت كودەكسٸنە تيٸستٸ تٷزەتۋلەر قابىلداندى. كەپٸلدەندٸرٸلگەن ترانسفەرت مۇنايدىڭ كونسەرۆاتيۆتٸك باعاسى كەزٸندە مۇناي سەكتورىنان ۇلتتىق قورعا تٷسەتٸن تٷسٸمدەر مٶلشەرٸنەن اسپايتىن كٶلەمدە ايقىندالاتىن بولادى. ياعني ورتا مەرزٸمدٸ كەزەڭدە ترانسفەرت سوماسى بٸرتٸندەپ قىسقاراتىن بولادى. بۇل مۇنايعا قاتىستى ەمەس تاپشىلىقتىڭ تٶمەندەۋٸنە جەنە ۇلتتىق قوردىڭ ٶسۋٸنە ىقپال ەتەدٸ», - دەدٸ مينيستر.
