وتاندىق تانىمال اقىن بالعىنبەك يماش ەلٸمٸزدە كوروناۆيرۋس ينفەكتسيياسىنا قارسى ۆاكتسينانى سالۋ مەسەلەسٸنە قاتىستى ٶز ويىن ايتتى. ٶنەر يەسٸ ەلٸمٸزدە ەكپەنٸ مەجبٷرلٸ تٷردە سالدىرتىپ جاتقانىن العا تارتىپ, ٶز جانايقايىن جەتكٸزدٸ دەپ جازادى "ۇلت اقپارات".
بالعىنبەك يماش ۆاكتسيناعا دەگەن نارازىلىعىن ٶزٸنٸڭ Instagram پاراقشاسىندا بٸلدٸردٸ. ايتىسكەر اقىن ٸندەتكە قارسى ەكپەگە تٷبەگەيلٸ قارسى ەكەنٸن اشىق ايتىپ, ۆاكتسيناتسييانىڭ ەرٸكتٸ تٷردە ٶتپەي جاتقانىنا شٷيلٸكتٸ.
"ۆاكتسينا سالدىرۋ ەرٸكتٸ تٷردە دەگەن بوس سٶز بولعانى ما? بٸزدٸڭ بيلٸكتٸڭ سٶزٸنە سەنۋگە بولمايتىن سيياقتى. "مەكتەپ ديرەكتورلارىن "قامشىلاۋ" كەرەك" دەگەن نە ماسقارا? قايداسىڭدار, باتىر قازاقتىڭ ەرلەرٸ مەن قىزدارى? ەلدٸڭ كٶز-جاسىنا قالۋدان قورقاتىن باسشى قالماعان با? مەكەمە باسشىلارى! ەر تٷرلٸ دەڭگەيدەگٸ ەكٸم-قارا, شەنەۋنٸك, ديرەكتور, رەكتور, ت.ب قىزمەتتەگٸ ازاماتتار! اللانىڭ الدىندا قول استىلارىڭداعى ەر ادامنىڭ حاقىنان سۇرالاسىڭدار!
ۆاكتسينا الدىم دەپ جاھانعا جار سالعان جەلٸدەگٸ جارناماشىلار! نە ٷشٸن? ەشكٸم قىستاماسا, ٶتٸنبەسە, سۇراماسا, تالاپ ەتپەسە, بەلگٸسٸز ەكپەنٸ نە ٷشٸن, كٸم ٷشٸن ناسيحاتتاپ جاتىرسىڭدار? رامازان ايى عوي. ٶتٸرٸك اقتالماڭدار! اللا جٷرەكتەرٸڭدەگٸ سىردى بٸلەدٸ. كٶبٸڭ كرەسلو ٷشٸن, باسشىعا جاعۋ ٷشٸن سالدىردىڭدار! دەنساۋلىق ٷشٸن ەمەس! بەرٸڭنٸڭ جٷرەكتەرٸڭدە كٷمەن بار! كٶبٸڭ تەۋەكەلگە باردىڭدار.
ٶزٸڭنٸڭ ارتىڭ شىدامادى, ماقۇل. ەندٸ باسقالاردى زورلاماساڭدارشى! ماعان دايرەكتكە جازىپ جاتقاندار جەتەدٸ. "امال جوق, جوعارىنىڭ بۇيرىعىمەن, قوقان-لوققىسىمەن سالدىرۋعا مەجبٷرمٸز" دەيدٸ. ٶز ەركٸمەن سالدىرعاندارعا قارسى ايتارىم جوق. بٸراق, ولاردىڭ سانى از عوي. كٶبٸ امالسىز سالدىرۋدا. مەن ەكپەگە قارسىمىن! بٷگٸن "حالىق جاۋى" قىلساڭدار دا وسى پٸكٸردە قالامىن. قايدا مەنٸڭ اتا زاڭىممەن كەپٸلدٸك بەرٸلگەن قۇقىعىم?" , - دەپ جازدى بالعىنبەك يماش.
سونىمەن قاتار, سٶز سوڭىندا ول مەملەكەت باسشىسى قاسىم-جومارت توقاەۆقا ٷندەۋ جاسادى.
"مەن, سونداي-اق, لگبت-نىڭ ناسيحاتىنا, جەرٸمٸزدٸڭ تالان-تاراجعا تٷسۋٸنە, وتباسىمنىڭ تەربيەسٸنە قول سۇعىلۋىنا, دٸني سەنٸم بوستاندىعىما قول سۇعىلۋىنا, ۇلتتىق سال-دەستٷرٸمدٸ "ەسكٸلٸك, جابايىلىق" سانالۋىنا, انا تٸلٸمنٸڭ تۇقىرتىلۋىنا قارسىمىن! باس سانيتاردىڭ شەشٸمٸ, دەنساۋلىق مينيسترلٸگٸنٸڭ بۇيرىعى - اتا زاڭىمداعى قۇقىعىمنان جوعارى ەمەس! قۇرمەتتٸ, قاسىم-جومارت كەمەلۇلى! سٸز مەملەكەت باسشىسى رەتٸندە وسى ەلدەگٸ ەربٸر زاڭبۇزۋشىلىقتى تييۋعا, جول بەرمەۋگە تيٸستٸسٸز", - دەدٸ ول.
