ٶسكەمەن قالاسىندا 8 جاستاعى قىز جالعىز ٶزٸ جابىق جەرتٶلەدە قالىپ قويعان, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنشە, 10 تامىزدا كٷلەنوۆ كەنتٸندەگٸ حالىقتار دوستىعى كٶشەسٸندە ورنالاسقان جەرتٶلەدە ويناپ جٷرگەن كٸشكەنتاي قىز ەسٸكتٸ جاۋىپ الىپ, قامالىپ قالعان. اتا-انالارى قۇتقارۋشىلارعا قوڭىراۋ شالىپ, كٶمەك سۇرادى.
«دەپارتامەنتتٸڭ مامانداندىرىلعان جاساعى وقيعا ورنىنا جىلدام كەلٸپ جەتتٸ. ولار ارنايى قۇرال-سايمانداردىڭ كٶمەگٸمەن جەرتٶلەدەگٸ تەمٸر توردى بٶلشەكتەپ, سول ارقىلى ٸشكە كٸردٸ دە ەسٸكتٸ اشتى. 8 جاستاعى قىزدىڭ دەنساۋلىعىنا ەشقانداي قاۋٸپ تٶنٸپ تۇرعان جوق», - دەپ حابارلادى ۆەدومستۆو ٶكٸلدەرٸ.
وسى رەتتە, وبلىستىق تجد ماماندارى ٶڭٸر جۇرتشىلىعىنا بالالاردى قاراۋسىز قالدىرماۋ قاجەتتٸگٸن ەسكەرتەدٸ.
