فوتو: ۆيدەودان كادر
قىرعىزستاندا قارلى بوراندا بەلۋاردان اساتىن قاردى كەشٸپ, مەكتەپكە بارا جاتقان بالانىڭ ۆيدەوسى ەلەۋمەتتٸك جەلٸدە كەڭ تارادى. وسى بەينەجازبادان كەيٸن قىرعىزستان پرەزيدەنتٸ سادىر جاپاروۆ وقۋشىنى پرەزيدەنتتٸك جاڭا جىلدىق شىرشاعا شاقىردى, دەپ حابارلايدى Ult.kz اكيpress-كە سٸلتەمە جاساپ.
ەلەۋمەتتٸك جەلٸدە تانىمال بولعان وقۋشى — وش وبلىسى قارا-كٶلجا اۋدانىنا قاراستى كوو-چاتى اۋىلىنداعى «ايدىڭ-كٶل» باستاۋىش مەكتەبٸنٸڭ 4-سىنىپ وقۋشىسى نۇرزامان المازبەكوۆ. ۆيدەو كادرلارىندا ول قار قالىڭدىعى بٸر مەترگە جۋىقتاعان جولمەن مەكتەپكە بەت الىپ بارا جاتقانى كٶرٸنەدٸ.
قىرعىزستان پرەزيدەنتٸ ەكٸمشٸلٸگٸنٸڭ اقپاراتتىق ساياسات قىزمەتٸنٸڭ جەتەكشٸسٸ دايىربەك ورۋنبەكوۆتٸڭ ايتۋىنشا, مەملەكەت باسشىسى بۇل ۆيدەونى ٶزٸ كٶرٸپ, بالانىڭ بٸلٸم الۋعا دەگەن ىنتاسىنا ەرەكشە ريزا بولعان.
«سادىر نۇرعوجوەۆيچ بۇل بەينەجازبانى ٶزٸ كٶردٸ. قيىن جاعدايعا قاراماستان, بٸلٸمگە ۇمتىلعان بالانىڭ تاباندىلىعى پرەزيدەنتتٸڭ كٶڭٸلٸنەن شىقتى. مۇنداي جٸگەرلٸ ەرٸ تالاپتى بالالار ەرەكشە قولداۋعا لايىق. سوندىقتان ونى پرەزيدەنتتٸك جاڭا جىلدىق شىرشاعا شاقىرۋدى تاپسىردى. سونداي-اق مەملەكەت باسشىسىنىڭ اتىنان وقۋشىعا ارنايى سىيلىق ەزٸرلەنٸپ جاتىر», — دەدٸ ول.
باسىلىم مەلٸمەتٸنشە, نۇرزامان — التى بالالى وتباسىنداعى تٶرتٸنشٸ بالا. ول مەكتەپتەگٸ ٷزدٸك وقۋشىلاردىڭ بٸرٸ, ەسٸرەسە ماتەماتيكا مەن قىرعىز ەدەبيەتٸنە قىزىعۋشىلىق تانىتادى. سونىمەن قاتار سۋرەت سالۋدى جاقسى كٶرەدٸ جەنە فۋتبولمەن اينالىسادى.
