قارقارالى قالاسىنا كٸرە بەرٸستە ۇلى دالا اناسى دەپ اتالاتىن قارقابات اناعا ەسكەرتكٸش ورناتىلدى. اشىلۋ سالتاناتىنا قاراعاندى وبلىسىنىڭ ەكٸمٸ جەڭٸس قاسىمبەك, قوعام قايراتكەرلەرٸ, شىعارماشىلىق زييالى قاۋىم جەنە ت. ب. قاتىستى, دەپ حابارلايدى وبلىستىق ەكٸمدٸكتٸڭ باسپاسٶز قىزمەتٸ.
مونۋمەنت قولادان جاسالعان, ونىڭ بيٸكتٸگٸ تۇعىرمەن بٸرگە 7,5 مەتردٸ قۇرايدى. مٷسٸننٸڭ اۆتورى – بەيبٸت مۇستافين. ەسكەرتكٸشتٸڭ ورناتىلۋىنا ورتالىق قازاقستان اكادەميياسىنىڭ رەكتورى باقتىباي جٷنٸسوۆ باستاماشى بولدى.
قاراعاندى وبلىسىنىڭ ەكٸمٸ جەڭٸس قاسىمبەك ەسكەرتكٸشتٸڭ اشىلۋىندا قارقابات انا – حالىق بٸرلٸگٸن, پاتريوتيزمدٸ جەنە پاراساتتىلىقتى بٸلدٸرەتٸن نىشاندارىنىڭ بٸرٸ ەكەنٸن اتاپ ٶتتٸ.
– قاركابات انا بارلىق انالاردىڭ ۇلى اناسى دەپ اتالادى. ول قازاق دالاسىنداعى انالاردىڭ بارلىق جاقسى قاسيەتتەرٸن, بٷكٸل حالىقتىڭ اناسىن بەينەلەيدٸ. قارقابات-انانىڭ دانالىعى, ٶمٸر جولى مەن بەينەسٸ ٶسكەلەڭ ۇرپاق ٷشٸن ٷلگٸ بولادى, – دەدٸ جەڭٸس قاسىمبەك.
اڭىز بويىنشا, قارقابات انانىڭ كەنجە ۇلى بولاتكوجا قاراكەسەك دەپ اتالىپ كەتكەن.
– قازاق حالقىنىڭ تاريحىندا ٸز قالدىرعان ۇلداردىڭ (ۇلى قازىبەك بيدەن باستاپ باتىر-عارىشكەر توقتار ەۋبەكٸروۆكە دەيٸن) اناسىنىڭ ەسٸمٸ ەشقاشان ۇمىتىلمايدى. بۇل ەسكەرتكٸش بولاشاق ۇرپاقتى تەربيەلەۋ ٷشٸن قاجەت, – دەپ اتاپ ٶتتٸ قر جازۋشىلار وداعىنىڭ تٶراعاسى ۇلىقبەك ەسدەۋلەت.
