Qarqaraly qalasyna kire beriste Uly dala anasy dep atalatyn Qarqabat anaǵa eskertkish ornatyldy. Ashylý saltanatyna Qaraǵandy oblysynyń ákimi Jeńis Qasymbek, qoǵam qairatkerleri, shyǵarmashylyq ziialy qaýym jáne t. b. qatysty, dep habarlaidy oblystyq ákimdiktiń baspasóz qyzmeti.
Monýment qoladan jasalǵan, onyń biiktigi tuǵyrmen birge 7,5 metrdi quraidy. Músinniń avtory – Beibit Mustafin. Eskertkishtiń ornatylýyna Ortalyq Qazaqstan Akademiiasynyń rektory Baqtybai Júnisov bastamashy boldy.
Qaraǵandy oblysynyń ákimi Jeńis Qasymbek eskertkishtiń ashylýynda Qarqabat ana – halyq birligin, patriotizmdi jáne parasattylyqty bildiretin nyshandarynyń biri ekenin atap ótti.
– Qarkabat ana barlyq analardyń uly anasy dep atalady. Ol qazaq dalasyndaǵy analardyń barlyq jaqsy qasietterin, búkil halyqtyń anasyn beineleidi. Qarqabat-ananyń danalyǵy, ómir joly men beinesi óskeleń urpaq úshin úlgi bolady, – dedi Jeńis Qasymbek.
Ańyz boiynsha, Qarqabat ananyń kenje uly Bolatkoja Qarakesek dep atalyp ketken.
– Qazaq halqynyń tarihynda iz qaldyrǵan uldardyń (uly Qazybek biden bastap batyr-ǵaryshker Toqtar Áýbákirovke deiin) anasynyń esimi eshqashan umytylmaidy. Bul eskertkish bolashaq urpaqty tárbieleý úshin qajet, – dep atap ótti QR Jazýshylar odaǵynyń tóraǵasy Ulyqbek Esdáýlet.
