قر پرەزيدەنتٸنٸڭ كٶمەكشٸسٸ ەرلان قارين بٷگٸن مەملەكەت باسشىسى قول قويعان ادام قۇقىقتارى جٶنٸندەگٸ ۋەكٸلگە قاتىستى زاڭدارعا قاتىستى پٸكٸر بٸلدٸردٸ, دەپ حابارلايدى قازاقپارات.
«بٷگٸن مەملەكەت باسشىسى ادام قۇقىقتارىن قورعاۋ سالاسىنداعى ەكٸ ماڭىزدى قۇجاتقا قول قويدى. ولاردىڭ بٸرٸنشٸسٸ –«قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە ٶلٸم جازاسىنىڭ كٷشٸن جويۋ مەسەلەسٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ. ال ەكٸنشٸسٸ – «قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸل تۋرالى» زاڭ», - دەپ جازدى ول Telegram كانالىندا.
ونىڭ ايتۋىنا قاراعاندا, اتالعان زاڭدار پرەزيدەنتتٸڭ ساياسي رەفورمالارىنىڭ پاكەتٸندەگٸ نەگٸزگٸ قۇجاتتاردىڭ قاتارىنا جاتادى.
«اتاپ ايتقاندا, قىلمىستىق كودەكستٸڭ نورمالارىن ازاماتتىق جەنە ساياسي قۇقىقتار تۋرالى حالىقارالىق پاكتٸگە ەكٸنشٸ فاكۋلتاتيۆتٸك حاتتامانىڭ ەرەجەلەرٸمەن ٷيلەستٸرۋ قاجەتتٸلٸگٸ تۋرالى وسى جىلدىڭ قىركٷيەگٸندەگٸ پرەزيدەنت جولداۋىندا ايتىلدى.
الايدا, وسى ٶزگەرٸستەردٸ كٶزدەيتٸن زاڭ جوباسىن تالقىلاۋ بارىسىندا مەملەكەتتٸك ورگانداردىڭ ٶكٸلدەرٸ مەن قۇقىق قورعاۋشىلار اراسىندا پٸكٸرتالاس تۋىندادى. نەتيجەسٸندە, ۇلتتىق قوعامدىق سەنٸم كەڭەسٸنٸڭ التىنشى وتىرىسىندا ەكٸ تاراپتىڭ ۇستانىمىن قاراستىرا وتىرىپ, پرەزيدەنت ٶلٸم جازاسىنىڭ كٷشٸن جويۋ نورماسى قانداي دا بٸر ەسكەرتپەسٸز قابىلدانۋعا تيٸس ەكەنٸن اتاپ ٶتٸپ, وسى مەسەلە بويىنشا قۇقىق قورعاۋشىلاردىڭ ۇستانىمىن قولدادى», - دەيدٸ ەرلان قارين.
ال ادام قۇقىقتارى جٶنٸندەگٸ ۋەكٸل تۋرالى دەربەس زاڭ ەزٸرلەۋ تۋرالى باستامانى قاسىم-جومارت توقاەۆ بيىل قاڭتار ايىندا, قر پارلامەنتٸنٸڭ VII شاقىرىلىمىنىڭ بٸرٸنشٸ سەسسيياسىنىڭ اشىلۋىندا جارييالاعان بولاتىن.
«بۇل زاڭ ادام قۇقىقتارى جٶنٸندەگٸ ومبۋدسمەننٸڭ قۇقىقتىق مەرتەبەسٸن العاش رەت ايقىن انىقتاپ, قۇزىرەتٸن ايتارلىقتاي كەڭەيتەدٸ. وسىلايشا, اتالعان زاڭداردىڭ قابىلدانۋى ادام قۇقىقتارىن قورعاۋ جەنە ساياسي جاڭعىرۋ سالاسىنداعى پرەزيدەنت باعىتىنىڭ بٸرٸزدٸلٸگٸن كٶرسەتەدٸ.
بۇدان بٶلەك اتالعان قۇجاتتارعا قول قويۋ قوعام ٶكٸلدەرٸ مەن بيلٸك ينستيتۋتتارى اراسىنداعى ديالوگتىڭ تيٸمدٸلٸگٸن كەزەكتٸ رەت كٶرسەتٸپ وتىر. «قازاقستان رەسپۋبليكاسىنداعى ادام قۇقىقتارى جٶنٸندەگٸ ۋەكٸل تۋرالى» زاڭنىڭ جەكەلەگەن نورمالارىن قوعام ٶكٸلدەرٸ مەن قۇقىق قورعاۋشىلار ۇلتتىق قوعامدىق سەنٸم كەڭەسٸنٸڭ الاڭىندا بٸرنەشە رەت تالقىلاعانىن اتاپ ٶتكەن جٶن», - دەپ جازدى پرەزيدەنتتٸڭ كٶمەكشٸسٸ.
