پرەزيدەنت كٶمەكشٸسٸ ەرلان قارين «حابار-24» ارناسىنداعى «سۇحبات» باعدارلاماسىندا بيىل تۇڭعىش رەت ٶتەتٸن ەكٸمدەر سايلاۋىن جاڭا بەتبۇرىسقا تەڭەدٸ, دەپ حابارلايدى قازاقپارات.
«بٸلەسٸزدەر, بيىل پرەزيدەنتتٸڭ باستاماسىمەن ەلدە تۇڭعىش رەت اۋىل ەكٸمدەرٸنٸڭ تٸكەلەي سايلاۋى ٶتەدٸ. وسى سايلاۋعا بايلانىستى بٸرنەشە زاڭعا ٶزگەرٸستەر ەنگٸزٸلەدٸ. سول ٶزگەرٸستەردٸ قامتيتىن زاڭ جوبالارى كٷنٸ كەشە مەجٸلٸسكە كەلٸپ تٷستٸ. ەندٸ سوعان سەيكەس مەجٸلٸستە وسىنداي تالقىلاۋلار ٶتەدٸ. وسىنىڭ بەرٸن بٸز دە ٶز تاراپىمىزدان باقىلاپ, قاداعالاپ وتىرامىز. قانداي تالقىلاۋ بولدى, قانداي قوسىمشا ۇسىنىس ايتىلادى دەگەن سيياقتى», - دەدٸ مەملەكەت باسشىسىنىڭ كٶمەكشٸسٸ.
سۇحبات بارىسىندا پرەزيدەنت كٶمەكشٸسٸ اتالمىش سايلاۋدى ەلدٸڭ ساياسي دامۋىنداعى ٷلكەن بەتبۇرىستى وقيعا دەپ سانايتىنىن جەتكٸزدٸ.
«اتالىپ وتىرعان ٶزگەرٸستەردٸڭ بەرٸ – ٷلكەن بەتبۇرىستى ٶزگەرٸستەر. مىسالعا بيىل بٸرٸنشٸ رەت ٶتكٸزٸلەيٸن دەپ وتىرعان اۋىل ەكٸمدەرٸنٸڭ تٸكەلەي سايلاۋى ارقىلى 800-گە جۋىق اۋىل ەكٸمٸ انىقتالادى. بۇرىن جاناما تٷردە سايلانعان اۋىل ەكٸمدەرٸنٸڭ ٶكٸلەتتٸگٸ توقتايدى. سوعان سەيكەس, ەندٸگٸ ەكٸمدەر تٸكەلەي سايلاۋ ارقىلى سايلانادى. بۇل دا ەلٸمٸزدٸڭ ساياسي دامۋىنداعى ٷلكەن بٸر ايتۋلى وقيعا, جاڭا بٸر كەزەڭ. سەبەبٸ بٸزدٸڭ حالىق ٶزٸنٸڭ ەكٸمدەرٸن تٸكەلەي سايلاپ, سول ارقىلى ٶزدەرٸنٸڭ ساياسي قۇقىقتارىن كەڭ اۋقىمدا جٷزەگە اسىرۋدىڭ تاعى بٸر قوسىمشا مٷمكٸندٸگٸنە يە بولادى», - دەدٸ ەرلان قارين.
