مەدەنيەت جەنە سپورت ۆيتسە-مينيسترٸ نۇرعيسا دەۋەشوۆ پرەزيدەنتتٸڭ ابايدىڭ 175 جىلدىعىن تويلاۋ اياسىندا ىسىراپشىلدىققا جول بەرمەۋگە قاتىستى تاپسىرماسى قالاي ورىندالاتىنىن ايتىپ بەردٸ, دەپ حابارلايدى "ۇلت اقپارات".
«ەرينە, مەملەكەت باسشىسى ناقتى تاپسىرما بەرٸپ, ىسىراپشىلدىققا جول بەرمەۋ كەرەكتٸگٸن ەسكەرتتٸ. پرەزيدەنت «اباي جەنە ححٸ عاسىرداعى قازاقستان» ماقالاسىندا «ابايدىڭ تويىنان دا, ويىنان دا تاعىلىم الۋىمىز كەرەك» دەپ ايتقان بولاتىن. ابايدىڭ ٶزٸ دە «بەكەر مال شاشپاقتىقتى» قۇپتاماعان. ودان دا حالقىمىزعا, مەملەكەتٸمٸزگە مۇرا رەتٸندە قالارلىق دٷنيە جاساۋىمىز كەرەك. مەملەكەت باسشىسىنىڭ ىقشامداۋ جەنە قاراجاتتى بەكەرگە شاشپاۋ بويىنشا بەرگەن تاپسىرماسىنا وراي ناقتى جۇمىستار جٷرگٸزٸلٸپ, بيىلعى جوسپارعا ٶزگەرتۋلەر ەنگٸزٸلەدٸ. ەرينە, ەر شارانىڭ دەڭگەيٸنە بايلانىستى ايتىلعان تاپسىرما ورىندالادى. باستىسى – اباي مۇراسىن ناسيحاتتاۋ. بٸرٸنشٸ بٶلٸنگەن قاراجاتتان ىقشامدالادى», - دەدٸ نۇرعيسا دەۋەشوۆ.
ۆيتسە-مينيستر بۇل رەتتە شارالاردىڭ ساپاسىنا ماڭىز بەرٸلەتٸنٸن قوسىپ ٶتتٸ.
ەسكە سالا كەتسەك, ٶتكەن ايدا ٷكٸمەتتٸڭ كەڭەيتٸلگەن وتىرىسىندا پرەزيدەنت قاسىم-جومارت توقاەۆ ابايدىڭ 175 جىلدىعىنا ارنالعان شارالار قانداي باعىتتا ٶتۋٸ كەرەكتٸگٸن تٷسٸندٸرٸپ, ىسىراپشىلدىققا جول بەرمەۋ كەرەكتٸگٸن ەسكەرتكەن بولاتىن.
«شەتەلدٸك ەرتٸستەردٸ تارتۋدىڭ قاجەت جوق. ياعني, دەمەۋشٸلٸك قارجى بٶلٸنگەننٸڭ ٶزٸندە, ىسىراپشىلدىق كەرەك ەمەس. مەنٸڭ ويىمشا, وسى شارالاردى ٸسكەرلٸك تۇرعىدا ٶتكٸزۋگە بولادى», - دەگەن ەدٸ پرەزيدەنت.
