اۋىل شارۋاشىلىعى مينيسترٸ ەربول قاراشٶكەەۆ قازاقستاندىق شارۋالاردىڭ وتستاۆكاعا كەتۋ تۋرالى تالابىنا جاۋاپ بەردٸ, - دەپ حابارلايدى Tengrinews.kz تٸلشٸسٸ.
اۋىل شارۋاشىلىعى مينيسترلٸگٸ باسشىسى "بۇل سايلانبالى ەمەس, تاعايىندالعان قىزمەت بولعاندىقتان" ٷكٸمەت مٷشەلەرٸ وتستاۆكاعا كەتۋگە ەرقاشان دايىن بولۋى كەرەك ەكەنٸن ايتتى.
"ناقتى ماعان كەلسەك, قازٸر اۋىل شارۋاشىلىعىن رەفورمالاۋ قاجەت ەكەنٸن ەشكٸم داۋلامايدى. كەز كەلگەن رەفورماعا قارسى تاراپ تا, جاقتاۋشى تاراپ تا بولاتىنى سٶزسٸز. مەن بارلىق تاراپپەن سىندارلى ديالوگقا اشىقپىن. تاراپتار مەلٸمدەمەسٸنە تٷسٸنٸكپەن قارايمىن", - دەدٸ اۋىل شارۋاشىلىعى مينيسترٸ.
ەربول قاراشٶكەەۆ رەفورمالاردىڭ ەگجەي-تەگجەيٸن تالقىلاۋ ٷشٸن شارۋالارمەن كەزدەسۋلەر بەلسەندٸ جٷرگٸزٸلٸپ جاتقانىن ايتتى.
"كەشە ٶڭٸرلەردەن كەلگەن شارۋالارمەن وفلاين كەزدەسۋ ٶتكٸزدٸم. ايتپاقشى, دەل وسى كەزدەسۋدە 30 قاتىسۋشىنىڭ بٸرٸ مەنٸڭ وتستاۆكاعا كەتۋٸمدٸ ۇسىندى. بۇل كەزدەسۋ تٶرت ساعاتتان اسا ۋاقىتقا سوزىلدى. ەگەر جۋرناليستەر تالقىلاۋعا سوڭىنا دەيٸن قاتىسسا, وندا ولار كەزدەسۋ سوڭىندا بٸز رەفورمالار قاجەتتٸلٸگٸ تۋرالى ورتاق تٷسٸنٸككە كەلگەنٸمٸزگە كٶز جەتكٸزەر ەدٸ", - دەدٸ مينيستر.
بۇعان دەيٸن قازاقستاننىڭ ەر ٶڭٸرٸنەن كەلگەن شارۋالار اۋىل شارۋاشىلىعى مينيسترٸ ەربول قاراشٶكەەۆتٸڭ وتستاۆكاعا كەتۋٸن تالاپ ەتكەنٸ حابارلانعان ەدٸ.
