قر ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى سەرٸك تٷسٸپوۆ قىستىگٷنٸ الىس جولعا شىعاتىن كٶلٸك جٷرگٸزۋشٸلەرٸنە اباي بولۋدى ەسكەرتتٸ, دەپ حابارلايدى "ۇلت اقپارات".
«قىستا كٶلٸك جٷرگٸزۋدٸڭ ٶز ەرەكشەلٸگٸ بار. بٸرٸنشٸدەن, اۋا رايىنىڭ ٶزگەرۋٸنە بايلانىستى اباي بولعان ابزال. قازاقستاننىڭ كليماتى شۇعىل ٶزگەرەتٸندٸكتەن, جٷرگٸزۋشٸلەر جول ٷستٸندە دايىن بولۋى كەرەك. مىسالى, ەلدٸڭ ورتالىق, سولتٷستٸك جەنە باتىس ايماقتارىندا بوران سوعىپ, اياز ۇيىتقىپ, جول كٶكتايعاق بولىپ تۇرادى. وسىنىڭ سالدارىنان قوزعالىستى شەكتەپ, جولدى تازارتۋعا بٸراز ۋاقىت جۇمسالادى. ال وڭتٷستٸك جەنە شىعىس جاق تاۋلى كەلەتٸندٸكتەن, جولدى قار باسىپ, تۇمان جيٸ تٷسەدٸ», - دەدٸ ٸٸم باسپاسٶز مەسليحاتىندا سەرٸك تٷسٸپوۆ.
وسىعان بايلانىستى جٷرگٸزۋشٸلەر ايماقتاردىڭ اۋا رايى بويىنشا ايىرماشىلىقتارىن ەسكەرە وتىرىپ, سينوپتيكتەردٸڭ حابارلامالارىن قاداعالاپ وتىرۋى تيٸس. جولعا شىعۋدى جوسپارلاعاندا ساق بولعان ابزال.
«الىس جولدا كەلە جاتىپ اۋا رايى بۇزىلىپ كەتسە جاقىن جەردەگٸ ەلدٸمەكەنگە جەتٸپ الىپ, كٷن رايىنىڭ سايابىرلاعانىن كٷتٸڭٸز. ال ەگەر اۆتوكٶلٸكتە قالعانىم جٶن دەپ شەشسەڭٸز, مٸندەتتٸ تٷردە قۇتقارۋ قىزمەتٸنە حابار بەرۋ كەرەك. قاراشا ايى باستالعالى ايماقتاردا كٶكتايعاققا بايلانىستى جول جەتٸ رەت جابىلدى. ال 2019 جىلى اۆتوكٶلٸك قوزعالىسى 985 رەت شەكتەلگەن بولاتىن», - دەيدٸ ول.
