20 سەۋٸردەن باستاپ ەلوردادا ٶنەركەسٸپ كەسٸپورىندارى, ٶندٸرٸس ورىندارى جۇمىستارىن قايتا جانداندىرا باستاعان بولاتىن. وسىعان وراي باق ٶكٸلدەرٸ جۇمىسىن باستاعان ٶندٸرٸس وشاقتارىندا قىزمەتكەرلەردٸڭ قاۋٸپسٸزدٸگٸ قالاي قامتاماسىز ەتٸلٸپ جاتقانىن كٶرٸپ قايتتى, دەپ حابارلايدى قازاقپارات.
«قالا ەكٸمشٸلٸگٸنەن 20 سەۋٸردەن باستاپ جۇمىس ٸستەۋگە رۇقسات الدىق. كارانتيندٸك ساقتىق شارالارىن بارىنشا قابىلداپ, جۇمىسىمىزدى باستاپ كەتتٸك. جالپى ٶندٸرٸس ورنىمىزدا 20-دان استام جۇمىس ٸستەيدٸ. بٸراق, سانيتارلىق تالاپتاردى ەسكەرٸپ, ەكٸ اۋىسىمدا 5 ادامنان ٶندٸرٸسكە شىعىپ جٷر. جۇمىسشىلارىمىزدى مەديتسينالىق ماسكامەن, قولعاپپەن, زالالسىزداندىراتىن سۇيىقتىقپەن قامتاماسىز ەتٸپ وتىرمىز. ولار ماسكانى اۋىسىم بارىسىندا ٷش رەت اۋىستىرادى», - دەدٸ ەلوردالىق تٸلشٸلەر ەڭ الدىمەن ات باسىن تٸرەگەن «لاشىن فاكتوري» جشس-نىڭ تەحنيكالىق ديرەكتورى سامات نۇرمانوۆ.
كومپانييا مۇنارالى كراندار مەن قۇرىلىسقا ارنالعان ليفتٸلەر قۇراستىرۋمەن اينالىسادى. ٶندٸرٸسٸن ەندٸ باستاعان كومپانييا بٸرٸنشٸ كەزەڭدە 600 ملن, ەكٸنشٸ كەزەڭدە 1 ملرد تەڭگە ينۆەستيتسييا قۇيىپ, ٶنٸمدەرٸن كٶرشٸ ەلدەرگە دە ەكسپورتقا شىعارۋدى جوسپارلاپ وتىر. كومپانييا بيٸكتٸ 40, جەبەسٸ 56 مەتر بولاتىن كراندار قۇراستىرماق.
«قازاقستاندا مۇنارالى كران مەن ٶندٸرٸستٸك ليفتٸ شىعارىلمايدى. ال قۇرىلىس كومپانييالارىمىزدىڭ قاجەتتٸلٸگٸ يمپورت ەسەبٸنەن قاناعاتتاندىرىلىپ وتىر. سوندىقتان يپورتالماستىرۋشى كومپانيياعا اينالىپ, ەلٸمٸزدٸڭ قۇرىلىس كومپانييالارىن ٶز ٶنٸمدەرٸمٸزبەن قامتاماسىز ەتۋدٸ جوسپارلاۋدامىز. كەلەشەكتە ٶنٸمدەرٸمٸزدٸ ورتا ازييا ەلدەرٸنە, اۋعانستانعا ەكسپورتتاۋدى دا ويلاستىرۋدامىز. بٸز جىلىنا 100 كران قۇراستىرا الامىز», - دەدٸ ول.
«GLB» ٷي قۇرىلىس كوبيناتى دا كارانتين كەزٸندە ٶندٸرٸسكە رۇقسات بەرٸلگەننەن كەيٸن جۇمىسشىلارىنىڭ قاۋٸپسٸزدٸگٸنە باسا نازار اۋدارىپ وتىر. كومبيناتتىڭ باقىلاۋ-ٶتكٸزۋ پۋنكتٸ كٷزەتشٸلەرٸ ٶندٸرٸس اۋماعىنا ەر ادامنىڭ دەنە قىزۋىن ٶلشەپ قانا ٶتكٸزەدٸ. سونىمەن قاتار بەتكە مەديتسينالىق ماسكا تاعىپ, قولعا قولعاپ كييۋ دە مٸندەتتٸ. كومبيناتتىڭ ەر جەرٸنە زالالسىزداندىرۋ سۇيىقتىعى قويىلعان.
«سانيتارلىق-ەپيدەميولوگييالىق قىزمەت ۇسىنعان بارلىق قاۋٸپسٸزدٸك تالاپتارىن قاتاڭ ۇستاپ وتىرمىز. كٷن سايىن جۇمىسشىلارىمىزدى ارنايى بٶلٸنگەن 6 اۆتوبۋسپەن الىپ كەلٸپ, قايتا ٷيلەرٸنە جەتكٸزٸپ وتىرمىز. اۆتوبۋستار كٷندەلٸكتٸ زالالسىزداندىرىلادى. جۇمىسشىلار جيٸ شوعىرلاناتىن جەرلەر كٷنٸ بويى جۋىلادى. بۇعان قوسا, زالالسىزداندىرۋشى كەسٸپورىندارمەن كەلٸسٸمشارت جاسادىق. ولار كٷن سايىن 2 804 شارشى مەتر اۋماقتى زالالسىزداندىرادى», - دەدٸ «GLB» جشس-نىڭ باسقارۋشى ديرەكتورى ەلدار قاسىموۆ.
ەسكە سالا كەتەيٸك, قر پرەزيدەنتٸ جانىنداعى تٶتەنشە جاعداي رەجيمٸن قامتاماسىز ەتۋ مەملەكەتتٸك كوميسسيياسى 20 سەۋٸردەن باستاپ نۇر-سۇلتان جەنە الماتى قالالارىندا جۇمىسىن باستايتىن كەسٸپكەرلٸك سۋبەكتٸلەرٸنٸڭ تٸزٸمٸن بەكٸتتٸ. تٸزٸمدە ٶنەركەسٸپتٸك كەسٸپورىندار, قۇرىلىس جەنە جول-قۇرىلىس سالالارىنىڭ كومپانييالارى, ٸرٸ قۇرىلىس دٷكەندەرٸ, كٶلٸك, قويما كومپانييالارى, اۋىل شارۋاشىلىعى ماقساتىنداعى سەرۆيستٸك كومپانييالار, اۆتوسالوندار, تقس, اۆتو جۋۋ, دٶڭگەلەك اۋىستىرۋ سەرۆيسٸ, اۆتوبٶلشەكتەر دٷكەندەرٸ, حيمييالىق تازالاۋ, كەڭسە تەحنيكاسىن جٶندەۋ جەنە ەكٸنشٸ دەڭگەيلٸ بانكتەر بار.
