ەلوردا تۇرعىندارى كارانتيندٸك رەجيمنٸڭ شەكتەۋ شارالارىن ەلەمەي, مەيرامحانالاردا وتباسىلىق جيىنداردى ٶتكٸزۋدٸ جالعاستىرۋدا, دەپ حابارلايدى "ۇلت اقپارات".
«ٶتكەن دەمالىس كٷندەرٸ موبيلدٸ توپ كەسٸپكەرلٸكتٸڭ 404 نىسانىن تەكسەرٸپ, كارانتيندٸك رەجيمدٸ بۇزۋدىڭ 34 فاكتٸسٸن انىقتالدى», - دەپ اتالىپ ٶتكەن قالالىق پوليتسييا دەپارتامەنتٸ مەلٸمەتٸندە.
موبيلدٸك توپ قۇرامىنداعى پوليتسەيلەر كٷن سايىن رەيدتٸك شارالاردى جٷرگٸزٸپ, ەرەجە بۇزعانداردى انىقتاپ جاتىر. 21 قاراشا كٷنٸ «الاشا» مەيرەمحاناسىندا «تۇساۋ كەسەر» تويىنا ارناپ داستارحان جايىلعان. بۇل شاراعا 50-دەن استام قوناق جينالدى. سونىمەن قاتار, ٶتكەن سەنبٸدە «New Stars» مەيرامحاناسىندا «بەتاشار» وتباسالىق شاراسى ۇيىمداستىرىلىپ, وعان 70-تەن استام مەيمان كەلگەن. قوناقتار ەلەۋمەتتٸك قاشىقتىقتى ساقتاماي ورنالاستىرىلعان.
قالالىق پوليتسييا دەپارتامەنتٸنٸڭ مەلٸمەتٸنشە, مەيرامحانا يەلەرٸ مەن قوناقتارى ادامداردىڭ كٶپتەپ جينالۋى ٶزدەرٸنٸڭ دەنساۋلىعىنا, سونداي-اق وتباسى مٷشەلەرٸنە, ياعني قارتتار مەن بالالاردىڭ دەنساۋلىعىنا قاتەر تۋدىراتىنىن تٷسٸنبەي جاتىر. ولارعا قاتىستى ماتەريال جيناقتالىپ, ەكٸمشٸلٸك جاۋاپكەرشٸلٸككە تارتۋ ٷشٸن تيٸستٸ مەكەمەگە جولداندى.
