دەنساۋلىق ساقتاۋ مينيسترٸ الەكسەي تسوي كارانتين شەكتەۋلەرٸن جيٸ بۇزاتىن ٶڭٸرلەردٸ اتادى, دەپ حابارلايدى قازاقپارات.
«حالىق اراسىندا ۆيرۋستىڭ قاۋٸپتٸلٸگٸنە سەنبەيتٸن ادامدار بار, ولار ٷيلەنۋ تويلارىن, بانكەتتەردٸ جەكە ٷيلەر مەن كوتتەدجدەردە ٶتكٸزۋدٸ جالعاستىرىپ كەلەدٸ. مونيتورينگ توپتارىنىڭ ەنگٸزٸلگەن شەكتەۋ شارالارى مەن ەسكەرتۋلەرٸنە قاراماستان, سانيتارييالىق-ەپيدەميولوگييالىق تالاپتاردى ساقتاماي جۇمىس ٸستەپ تۇرعان نىسىنداردى انىقتاۋ جالعاسۋدا», - دەدٸ مينيستر ورتالىق كوممۋنيكاتسييالار قىزمەتٸندە.
ونىڭ ايتۋىنشا, ناۋرىزدا شەكتەۋ ٸس-شارالارىن, كارانتين تالاپتارىنىڭ ساقتالۋىن باقىلاۋ ماقساتىندا 16 030 رەيد جٷرگٸزٸلدٸ.
«وسى ورايدا 102 966 نىسان تەكسەرٸلدٸ, ونىڭ ٸشٸندە 2864 نىسان ەكٸمشٸلٸك شارالارعا قاراماستان, بەلگٸلەنگەن شەكتەۋ تالاپتارىن, جۇمىس رەجيمٸن بۇزۋدى جالعاستىرىپ كەلەدٸ, ياعني بۇقارالىق ٸس-شارالار ٶتكٸزٸپ جاتىر. 3021 ەكٸمشٸلٸك ٸس قوزعالدى», - دەدٸ تسوي.
ونىڭ سٶزٸنە قاراعاندا, مۇنداي نىساندار مىنا ٶڭٸرلەردە كٶپ تٸركەلدٸ: شىعىس قازاقستان وبلىسىندا, الماتى قالاسىندا, شىمكەنت قالاسىندا انىقتالدى.
«بٷگٸنگٸ تاڭدا ەلٸمٸزدە كارانتيندٸك شارالاردى قاساقانا بۇزعان 512 ادام انىقتالدى. ٶڭٸرلەر بويىنشا شىمكەنت قالاسى, نۇر-سۇلتان قالاسى, الماتى قالاسى, جامبىل وبلىسى, قوستاناي وبلىسى, پاۆلودار وبلىسى كٶش باستاپ تۇر. 512 قۇقىق بۇزۋشىنىڭ اراسىندا 486-سى شاعىن بيزنەس ٶكٸلٸ, تٶرتەۋٸ ورتا كەسٸپكەرلٸك نىسانى جەنە 22 جەكە تۇلعا بار», - دەپ ناقتىلادى مينيستر.
