سايرامدىق پوليتسەيلەر كارانتين كەزٸندە قوناقتار شاقىرىپ, توي ٶتكٸزٸپ جاتقان تۇرعىنداردى انىقتادى, دەپ حابارلايدى Polisia.kz.
تٷركٸستان وبلىسىنىڭ پوليتسەيلەرٸ كارانتين تالاپتارىنىڭ ساقتالىپ, ونىڭ ورىندالۋى بارىسىندا قارقىندى جۇمىس جٷرگٸزۋدە.
وسىنداي كەزەكتٸ جۇمىس كٷنٸندە سايرام اپب-نە مانكەنت اۋىلىنداعى تۇرعىننىڭ بٸرٸ ٶز ٷيٸندە 50-دەن استام ازاماتتاردى جيناپ, كەلٸن تٷسٸرۋ تويىن ٶتكٸزٸپ جاتقاندىعى تۋرالى حابارلاما كەلٸپ تٷستٸ.
اقپارات الىسىمەن اتالمىش مەكەن-جايعا اۋداندىق پوليتسەيلەر مەن ەكٸمدٸك قىزمەتكەرلەرٸنەن قۇرىلعان موبيلدٸك توپ تەز ارادا جەتٸپ, تەكسەرۋ جۇمىستارىن جٷرگٸزدٸ.
نەتيجەسٸندە پوليتسەيلەر ىعى-جىعى ادام جينالعان تويدى توقتاتتى. كارانتين تالاپتارىن ساقتاماي, ٶرەسكەل قۇقىق بۇزعانى ٷشٸن توي يەسٸنە قر ەقبتك-نٸڭ 425-بابىنا سەيكەس «حالىقتىڭ سانيتارلىق-ەپيدەميولوگييالىق سالاۋاتتىلىعى سالاسىنداعى زاڭناما تالاپتارىنىڭ, سونداي-اق گيگيەنالىق نورماتيۆتەردٸڭ بۇزىلۋى» حاتتاما تولتىرىلدى.
جيناقتالعان اقپاراتتار شەشٸم قابىلداۋ ٷشٸن تيٸستٸ ورگانعا جٸبەرٸلدٸ. اۋداندا وسىعان ۇقساس تاعى ەكٸ جايت تٸركەلدٸ. ونىڭ بٸرٸندە جەرگٸلٸكتٸ تۇرعىن ٶز ٷيٸنە 20-دان استام ادام جيناپ, كەلٸن تٷسٸرگەن. ال كەلەسٸ تۇرعىن 15-تەن استام ادام جيناپ, قىز ۇزاتۋ تويىن ٶتكٸزگەن. بۇل ەكٸ جايتتا دا موبيلدٸك توپ شۇعىل جەتٸپ, ادامداردىڭ كٶپتەپ شوعىرلانۋىنا جول بەرمەي, توي-جيىنداردى توقتاتقان.
