«سارى» ايماقتاعى كارانتيندٸك شەكتەۋدٸ ەسكەرمەگەندەر «ميسسيس اقتٶبە» بايقاۋىن ۇيىمداستىردى. قازٸر وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸ باق-تا جارييالانعان ماتەريالدى تەكسەرٸپ جاتىر, دەپ حابارلايدى قازاقپارات.
اقتٶبە وبلىسى قازٸر «سارى» ايماقتا تۇر. ٶتكەن تەۋلٸكتە ٶڭٸردە 50 ادامنان كوروناۆيرۋس ينفەكتسيياسى انىقتالدى. ونىڭ 40-ى ۆيرۋستىڭ سيمپتومدى تٷرٸنە شالدىققان.
ونىڭ كٶبٸ اقتٶبە قالاسىنىڭ, ٶزگەسٸ مۇعالجار, العا, ويىل, تەمٸر اۋداندارىنىڭ تۇرعىنى. اۋرۋ كٶرسەتكٸشٸنٸڭ ٶسۋ دەڭگەيٸ 1% قۇرادى.
اقتٶبە ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز مەسليحاتىندا وبلىستىڭ باس سانيتار دەرٸگەرٸ كارانتين كەزٸندە بايقاۋ ٶتكٸزگەندەرگە قاتىستى تٷسٸنٸك بەردٸ.
«بۇل ٷلكەن شارانى ٶتكٸزۋ ٷشٸن رۇقسات العان ەشكٸم بولمادى. اقتٶبە قالالىق سانيتارييالىق-ەپيدەميولوگييالىق باقىلاۋ باسقارماسى مەن وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنەن رۇقسات بەرٸلمەدٸ. باق ەستٸگەن سوڭ مەدەنيەت باسقارماسى مەن مونيتورينگ توپق سۇرانىس جٸبەرٸلدٸ. ولاردان شاعىم تٷسسە, تەكسەرۋ جٷرگٸزٸلٸپ, ۇيىمداستىرۋشىعا ەكٸمشٸلٸك شارا قولدانىلادى», - دەدٸ وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسشىسى نۇرسۇلۋ بەركٸمباەۆا.
ايتا كەتەيٸك, وبلىس بويىنشا بارلىعى 4854 جاعداي تٸركەلسە, ونىڭ 90% جازىلدى.
ناۋقاستارمەن قارىم-قاتىناستا بولعان 1 مىڭعا جۋىق ادام ٷي كارانتينٸندە.
ولار ەكٸ اپتا دەرٸگەر باقىلاۋىندا بولادى. قاڭتاردا 26, اقپاندا 33, ناۋرىزدا 63 وقۋشىدان كوروناۆيرۋس ينفەكتسيياسى انىقتالعان.
جىل باسىنان بەرٸ 34 مۇعالٸمنەن COVID-19 تٸركەلدٸ. قاڭتاردا 4, اقپاندا 12, ناۋرىزدا 18 جاعداي انىقتالدى.
«قازٸر جانساقتاۋ بٶلٸمٸندە 13 ناۋقاس جاتىر. ونىڭ ەكەۋٸ ٶكپەنٸ جاساندى جەلدەتۋ اپپاراتىنا قوسىلعان», - دەدٸ وبلىستىق دەنساۋلىق ساقتاۋ باسقارماسىنىڭ باسشىسى رٷستەم يساەۆ.
