الماتىدا كارانتين شارالارى كٷشەيٸپ, سانيتارلىق تالاپتاردى ورىنداماعان كەيبٸر نىساندار جابىلۋى مٷمكٸن. بۇل تۋرالى قالالىق باس سانيتارلىق دەرٸگەر جانداربەك بەكشين ونلاين بريفينگ كەزٸندە ايتتى, دەپ حابارلايدى قازاقپارات.
«كارانتين شارالارى جالعاساتىن بولادى. تەك جالعاسىپ قانا قويمايدى, كٷشەيەتٸن بولادى. بٸز باسسەين, جاعاجاي, ساياباق اۋماعىندا ورنالاسقان اتتراكتسيونداردى, ساۋدا ورىندارىن اشپايمىز. سونداي-اق, مەكتەپ جانىنداعى ساۋىقتىرۋ ورىندارى دا جابىق بولادى. سەبەبٸ, بالالارعا ۆيرۋس جۇعۋ قاۋپٸ بار», - دەدٸ ول.
سونىمەن قاتار, قالا بيلٸگٸ شيپاجايلار, مەدەنيەت, كينوتەاترلار, فۋدكورت الاڭدارىن اشۋدى جاقىن ارادا جوسپارلاپ وتىرعان جوق.
«كەرٸسٸنشە, الدىندا اشىلعان نىساندار سانيتارلىق تالاپتاردى ورىنداماعان بولسا, جٷيەلٸ تٷردە بۇزىپ كەلگەن بولسا, ولاردىڭ جۇمىسىن توقتاتۋ تۋرالى شەشٸم قابىلدايمىز», - دەدٸ بەكشين.
