Almatyda karantin sharalary kúsheiip, sanitarlyq talaptardy oryndamaǵan keibir nysandar jabylýy múmkin. Bul týraly qalalyq bas sanitarlyq dáriger Jandarbek Bekshin onlain brifing kezinde aitty, dep habarlaidy QazAqparat.
«Karantin sharalary jalǵasatyn bolady. Tek jalǵasyp qana qoimaidy, kúsheietin bolady. Biz bassein, jaǵajai, saiabaq aýmaǵynda ornalasqan attraktsiondardy, saýda oryndaryn ashpaimyz. Sondai-aq, mektep janyndaǵy saýyqtyrý oryndary da jabyq bolady. Sebebi, balalarǵa virýs juǵý qaýpi bar», - dedi ol.
Sonymen qatar, qala biligi shipajailar, mádeniet, kinoteatrlar, fýdkort alańdaryn ashýdy jaqyn arada josparlap otyrǵan joq.
«Kerisinshe, aldynda ashylǵan nysandar sanitarlyq talaptardy oryndamaǵan bolsa, júieli túrde buzyp kelgen bolsa, olardyń jumysyn toqtatý týraly sheshim qabyldaimyz», - dedi Bekshin.
