قازاقستاندا كارانتين تالاپتارىن ساقتاي وتىرىپ باق ٶكٸلدەرٸن ٸس-شارالارعا تٸكەلەي قاتىسۋعا رۇقسات بەرۋ مەسەلەسٸ قارالىپ جاتىر, دەپ حابارلايدى قازاقپارات.
«الدىمەن نۇر-سۇلتان قالاسىنىڭ ەلٸ دە بولسا «قىزىل» ايماقتا ەكەنٸن ۇمىتپاعان جٶن. ال توي-تويمالاق جاساۋعا بەرٸلگەن رۇقساتقا كەلسەك, شاعىن جەنە ورتا بيزنەس ٶكٸلدەرٸ تاراپىنان كٶپتەگەن ٶتٸنٸشتەر كەلٸپ تٷستٸ. باق ٶكٸلدەرٸن مەملەكەتتٸك ورگانداردا ٶتٸپ جاتقان شارالارعا تٸكەلەي كٸرگٸزبەۋ اقپارات الۋدا شەكتەۋ قويۋ دەۋگە بولمايدى. بٸزدە باق-تىڭ جۇمىسىنا كەدەرگٸ كەلتٸرٸپ, شەك قويۋ دەگەن مەسەلە جوق. پارلامەنت, ٷكٸمەت ٷيٸندە ٶتٸپ جاتقان بارلىق ٸس-شارالار جۇرتشىلىققا ونلاين تاراتىلادى»,- دەدٸ قر پرەمەر-مينيستردٸڭ ورىنباسارى ەرالى توعجانوۆ ٷكٸمەت ٷيٸندە ونلاين ٶتكەن باسپاسٶز مەسليحاتىندا.
سونداي-اق, پرەمەر-مينيستر ورىنباسارى ەلٸمٸزدە كارانتين تالاپتارى بار ەكەنٸن تاعى بٸر ەسكە سالىپ, ماسكا تاعۋ جەنە ەلەۋمەتتٸك اراقاشىقتىقتى ساقتاۋعا شاقىردى.
«تٸلشٸلەردٸڭ اقپارات الۋىنا قاتىستى شەكتەۋلەر جوق. قاجەت جاعدايدا تيٸستٸ ورگانعا رەسمي ساۋال جولداي الادى, ودان بٶلەك, كٷندەلٸكتٸ ونلاين باسپاسٶز مەسليحاتى ۇيىمداستىرىلىپ جاتىر. ونىڭ بارىسىندا باق ٶكٸلدەرٸ ٶز ساۋالدارىن قۇزىرلى ورگان ٶكٸلدەرٸنە تٸكەلەي قويا الادى. بٷگٸندٸ تاڭدا سانيتارلىق تالاپتاردى ساقتاي وتىرىپ, تٸلشٸلەردٸڭ تٸكەلەي قاتىسۋىمەن باسپاسٶز مەسليحاتىن ٶتكٸزۋ مەسەلەسٸ قارالىپ جاتىر», - دەيدٸ ول.
سول سيياقتى ەرالى توعجانوۆ الداعى ۋاقىتتا تٸلشٸلەردٸڭ قاتىسۋىمەن ٶتەتٸن ٸس-شارالارعا Ashyq جٷيەسٸمەن كٸرگٸزٸلەتٸنٸن ەسكەرتتٸ.
قازاقستانداعى رەسمي شارالار جۋرناليستەردٸڭ قاتىسۋىنسىز 2020 جىلدىڭ ناۋرىزىنان باستاپ ٶتكٸزٸلٸپ كەلەدٸ. شەكتەۋلەر وسى كٷنگە دەيٸن جالعاسقان.
