كوروناۆيرۋستىڭ تارالۋىنا قارسى ۆەدومستۆوارالىق كوميسسييا ەلەمدەگٸ ەپيدەميولوگييالىق احۋالعا شولۋ جاسادى, دەپ حابارلايدى "ۇلت اقپارات".
ۇلىبريتانييا COVID-19 تارالۋى بويىنشا ەلەمدە تٶرتٸنشٸ ورىنعا شىقتى: مۇندا 4 ميلليونعا جۋىق ادام ٸندەتتٸ جۇقتىرعان.
قايتىس بولعاندار سانى بويىنشا ەل بەسٸنشٸ ورىندا - 112 مىڭنان استام ادام.
بريتاندىقتار ەۋروپاداعى ەڭ ناشار كٶرسەتكٸشكە يە, ەل لوكداۋن رەجيمٸندە ٶمٸر سٷرۋدٸ جالعاستىرۋدا.
دٷكەندەردٸڭ كٶپشٸلٸگٸ جابىق, وقۋشىلار قاشىقتان وقىپ جاتىر, مەيرامحانالار جەنە كافەلەر تەك ٶزٸمەن الىپ كەتۋ رەجيمٸندە جۇمىس ٸستەپ تۇر.
يرلاندييا ٷكٸمەتٸ بۇرىن-سوڭدى بولماعان قادام جاسادى, ياعني سولتٷستٸك يرلاندييا تۇرعىندارىنا سەبەپسٸز كٸرۋگە تىيىم سالدى. ەرەجەنٸ بۇزۋشىلارعا دٷيسەنبٸدەن باستاپ 100 ەۋرو ايىپپۇل سالىنادى.
يرلاندييا ٷكٸمەتٸ ەل اۋماعىندا ەپيدەميولوگييالىق قاۋٸپتٸڭ بەسٸنشٸ (ەڭ جوعارى) دەڭگەيٸن جارييالادى جەنە پاندەمييا باستالعاننان بەرٸگٸ ەڭ قاتاڭ كارانتين ەنگٸزدە.
اتاپ ايتقاندا, يرلاندييالىقتارعا ٷيٸنەن 5 شاقىرىمنان استام قاشىقتىققا ۇزاپ شىعۋعا تىيىم سالىندى.
دٷيسەنبٸدەن باستاپ فرانتسييا مەكتەپتەرٸنٸڭ وقۋشىلارىنا قولدان جاسالىنعان بەتپەردەلەردٸ تاعۋعا تىيىم سالىندى.
بۇدان بىلاي مەكتەپكە تەك مەديتسينالىق ماسكالارمەن كەلۋگە رۇقسات ەتٸلەدٸ.
سونىمەن قاتار, فرانتسييا بيلٸگٸ بارلىق سالانىڭ قىزمەتكەرلەرٸنە اسحانا مەن كافەگە بارماي-اق جۇمىس ورنىندا تٷسكٸ اس ٸشۋگە مٷمكٸندٸك بەرۋ ٷشٸن ەڭبەك زاڭناماسىن قايتا قاراۋعا كٸرٸستٸ.
اۆسترييادا مۇراجايلار, حايۋاناتتار باعى مەن دٷكەندەر اشىلا باستادى, بٸراق بٸر ۋاقىتتا كەلۋشٸلەر سانىنا شەكتەۋلەر ەنگٸزٸلدٸ.
شاشتارازدار مەن سۇلۋلىق سالوندارى جۇمىسقا قايتا ورالدى, بٸراق كەلۋشٸلەردەن Covid-19 سىناماسىنىڭ تەرٸس نەتيجەسٸ كٶرسەتٸلگەن انىقتاما تالاپ ەتٸلەدٸ.
بەتپەردە تاعۋ بارلىق قوعامدىق ورىنداردا مٸندەتتٸ بولىپ تابىلادى جەنە بۇل بٸر رەتتٸك مەديتسينالىق بەتپەردەلەر ەمەس, سٷزگٸسٸ بار كٷردەلٸ ديزاينداعى ماسكالار بولۋى كەرەك.
مەيرامحانالار مەن قوناق ٷيلەر ەلٸ دە جابىق.
وڭتٷستٸك كورەيا استاناسىندا ٸندەتتٸڭ بەلگٸلەرٸ بار مىسىقتار مەن يتتەردٸ كوروناۆيرۋسقا تەستٸلەۋ ناۋقانى باستالعانى تۋرالى حابارلاندى.
سەۋل بيلٸگٸ ٷي جانۋارلارىنا ادامدارعا قويىلعان ەرەجەلەردٸڭ قولدانىلۋى كەرەك دەپ سانايدى: ٷي جانۋارلارىن سەرۋەندەتۋ كەزٸندە يەلەرٸ ولاردىڭ باسقا جانۋارلار اراسىنداعى ەكٸ مەتر قاشىقتىقتىڭ ساقتالۋىن قاداعالاپ, تەست وڭ نەتيجەلٸ بولعان جاعدايدا ەكٸ اپتاعا تولىعىمەن وقشاۋلانۋى كەرەك.
