قاراقالپاقستاندا 21 شٸلدە تاڭعى ساعات 5-تەن باستاپ تٶتەنشە جاعداي رەجيمٸنٸڭ كٷشٸ جويىلدى. بۇل جٶنٸندە ٶزبەكستان پرەزيدەنتٸنٸڭ باسپاسٶز قىزمەتٸ حابارلادى.
رەسمي اقپاراتقا قاراعاندا, پرەزيدەنت شاۆكات ميرزيياەۆ "پارلامەنتكە ٷندەۋلەر مەن ايماقتا قوعامدىق تەرتٸپتٸڭ قالپىنا كەلتٸرٸلگەنٸن, ازاماتتاردىڭ قاۋٸپسٸزدٸگٸ قامتاماسىز ەتٸلگەنٸن" ەسكەرٸپ, تٶتەنشە جاعدايدى الىپ تاستاۋ تۋرالى جارلىققا قول قويعان.
ٶتكەن اپتادا قاراقالپاقستاندا تٶتەنشە جاعداي جۇمسارعانى حابارلانعان ەدٸ.
شٸلدە ايىنىڭ باسىندا قاراقالپاقستان استاناسى نٶكٸس پەن ايماقتىڭ ٶزگە قالالارىندا جاپپاي نارازىلىق تۇتانىپ, تۇرعىندار قاراقالپاقستاندى ەگەمەن مەرتەبەسٸنەن ايىراتىن كونستيتۋتسييا جوباسىنا قارسىلىق بٸلدٸرگەن. نارازىلىق كٷشپەن باسىپ-جانشىلدى, بيلٸك قاراقالپاقستاندا 2 تامىزعا دەيٸن تٶتەنشە جاعداي جارييالاعان.
رەسمي مەلٸمەتكە ساي, قاراقالپاقستانداعى وقيعا كەزٸندە 21 ادام قازا بولعان, 516 ادام ۇستالعان. قازا بولعانداردىڭ 14-ٸ – بەيبٸت تۇرعىن, تٶرتەۋٸ – قۇقىق قورعاۋ ورگان ٶكٸلٸ. ارتىنشا ٶزبەكستان پارلامەنتٸ كونستيتۋتسييا جوباسىندا قاراقالپاقستاننىڭ ەگەمەن مەرتەبەسٸن ساقتاۋ تۋرالى شەشٸم قابىلدادى.
حالىقارالىق ۇيىمدار مەن بٸرقاتار ەلدەر تاشكەنتتٸ قاراقالپاقستانداعى وقيعانى جان-جاقتى تەرگەۋگە, بەيبٸت نارازىلارعا كٷش قولدانعانداردى جازاعا تارتۋعا ٷندەدٸ.
