قاراقالپاقستاننىڭ جوعارعى كەڭەسٸ نٷكٸستەگٸ وقيعا بويىنشا رەسمي مەلٸمدەمە جاسادى, - دەپ حابارلايدى Tengrinews.kz.
"ٶزبەكستان رەسپۋبليكاسى جٷرگٸزٸپ وتىرعان اشىقتىق جەنە ەركٸن ەرٸك بٸلدٸرۋ ساياساتىنا قاراماستان, 2022 جىلدىڭ 1 شٸلدەسٸندە نٷكٸس قالاسىندا قىلمىستىق توپ قاراقالپاقستان رەسپۋبليكاسىنىڭ مەملەكەتتٸك باسقارۋ ورگاندارىن باسىپ الۋعا ەرەكەت جاساۋ تٷرٸندەگٸ زاڭسىز ەرەكەتتەر ۇيىمداستىردى.
پوپۋليستٸك ۇرانداردى جامىلا وتىرىپ, ازاماتتاردىڭ ساناسى مەن سەنٸمٸنە ايلا-شارعى جاساپ, تەرتٸپسٸزدٸكتەردٸ ۇيىمداستىرۋشىلار بيلٸك ٶكٸلدەرٸنٸڭ زاڭدى تالاپتارىنا باعىنباي, ازاماتتاردى رەسپۋبليكانىڭ ەكٸمشٸلٸك عيماراتتارى كەشەنٸنٸڭ الدىنداعى الاڭعا جينادى.
ارانداتۋشىلار جينالعان ادامدارعا سٷيەنە وتىرىپ, وسى مەملەكەتتٸك مەكەمەلەردٸ باسىپ الۋعا جەنە وسىلايشا قوعامعا ٸرٸتكٸ سالۋعا, ٶزبەكستانداعى قوعامدىق-ساياسي جاعدايدى تۇراقسىزداندىرۋعا ەرەكەت جاسادى", - دەلٸنگەن حابارلامادا.
پارلامەنت ٶكٸلدەرٸ زاڭسىز ەرەكەتتەردٸڭ جولى كەسٸلٸپ, جاپپاي تەرتٸپسٸزدٸك ەرەكەتتەرٸ اۋىزدىقتالعانىن اتاپ ٶتتٸ.
"مەملەكەتٸمٸز جاعدايدىڭ ودان ەرٸ ۋشىعۋىنا جول بەرمەۋ ٷشٸن قاجەتتٸ ەلەۋەتكە يە ەكەنٸن جاۋاپكەرشٸلٸكپەن مەلٸمدەيمٸز. تەرتٸپسٸزدٸكتەردٸ ۇيىمداستىرۋشىلار توبى مەن قۇقىق قورعاۋ ورگاندارىنا بەلسەندٸ قارسىلىق كٶرسەتكەن ادامدار ۇستالدى. قازٸر ولارعا قاتىستى تەرگەۋ امالدارى جٷرٸپ جاتىر. بارلىق ارانداتۋشى انىقتالىپ, قولدانىستاعى زاڭناماعا سەيكەس جاۋاپقا تارتىلادى", - دەپ مەلٸمدەدٸ جوعارعى كەڭەس.
