قاراعاندىداعى وكتيابر اۋدانىنا «الاش» پارتيياسىنىڭ كٶشباسشىسى ەليحان بٶكەيحاننىڭ ەسٸمٸ بەرٸلدٸ, دەپ حابارلايدى "ۇلت اقپارات" ايماق باسشىسىنىڭ باسپاسٶز قىزمەتٸنە سٸلتەمە جاساپ.
قاراعاندىلىقتاردى كٶپتەن كٷتكەن تاريحي وقيعامەن قالا ەكٸمٸ ەرماعانبەت بٶلەكباەۆ قۇتتىقتادى.
– اۋداندى قايتا اتاۋ – بۇل ەڭ الدىمەن ەليحان بٶكەيحاننىڭ تاريحي قىزمەتٸنە, جالپى ەلٸمٸزدٸڭ تاريحىنا بەرٸلگەن قۇرمەت. اۋداننىڭ اتاۋى عانا ەمەس, كەلبەتٸ دە ٶزگەرەدٸ. سوڭعى بٸرنەشە جىلدا ٷيلەردٸڭ قاسبەتتەرٸن, شاتىرلارىن, كٸرەبەرٸس جولدارى مەن ورامٸشٸلٸك جولداردى جٶندەۋ بويىنشا ٷلكەن جۇمىستار جٷرگٸزٸلدٸ. مايقۇدىق ورتالىق جولىن اۋقىمدى قايتا قۇرۋ اياقتالدى. بٸرنەشە زاماناۋي تۇرعىن ٷي كەشەندەرٸنٸڭ قۇرىلىسى جٷرٸپ جاتىر, شاعىن اۋدانداردا جاڭا ەمحانالار ٸسكە قوسىلدى. قايتا قۇرۋ جۇمىستارىنان كەيٸن «ليتەيششيك» ستاديونى اشىلدى. الدا ەلٸ تالاي ٶزگەرٸستەر بار, – دەدٸ ەرماعانبەت بٶلەكباەۆ.
اۋدان 1938 جىلى قالانىڭ سولتٷستٸك بٶلٸگٸندە قۇرىلعان. 1961 جىلعا دەيٸن ستالين دەپ اتالدى. سودان كەيٸن ول وكتيابر دەپ اتالدى. اۋدانى – 22,4 مىڭ گا, حالقى – 227 مىڭ ادام. قۇرامىنا مايقۇدىق, پريشاحتينسك, سۇرىپتاۋ كٸرەدٸ.
– ەليحان بٶكەيحاننىڭ «حالىقتىڭ پٸكٸرٸ مەن ەركٸ – زاڭنىڭ جوعارى ساتىسى» دەگەن جاقسى سٶزدەرٸ بار. تەۋەلسٸزدٸك كٷنٸ قارساڭىندا وكتيابر اۋدانى قازاقستاننىڭ بٸرلٸگٸن, ونىڭ بولاشاعىن جاقتاعان ادام – ەليحان بٶكەيحان اتىنداعى اۋدان بولىپ قايتا اتالدى دەپ ماقتانىشپەن ايتامىز, – دەپ اتاپ ٶتتٸ قاراعاندى قالالىق مەسليحاتىنىڭ حاتشىسى قۇدايبەرگەن بەكسۇلتانوۆ.
ەليحان بٶكەيحانوۆ 1866 جىلى 5 ناۋرىزدا سەمەي وبلىسى قارقارالى ۋەزٸنٸڭ توقىراۋىن بولىسىنىڭ اۋىلىندا دٷنيەگە كەلگەن. ول - مەملەكەت جەنە قوعام قايراتكەرٸ, جۋرناليست جەنە عالىم, «الاش» ۇلتتىق-دەموكراتييالىق پارتيياسىنىڭ ۇيىمداستىرۋشىسى جەنە كٶشباسشىسى, سونداي-اق 1917 جىلى الاش اۆتونوميياسىنىڭ تٶراعاسى, قازاقستان بويىنشا ۋاقىتشا ٷكٸمەتتٸڭ كوميسسارى بولدى. كەيٸن ول «تەرروريستٸك ۇيىمعا» قاتىسى بار دەگەن ايىپپەن سوتتالىپ, اتىلدى. 1989 جىلى اقتالدى.
