قاراعاندىلىق بالنۇر تٷلەنوۆانى بٸر مەزگٸلدە اقش-تىڭ تٶرت ۋنيۆەرسيتەتٸ وقۋعا شاقىرىپ وتىر. ول حالىقارالىق ەمتيحان تاپسىرىپ, نەتيجەسٸن ەلەمنٸڭ بٸرنەشە ۋنيۆەرسيتەتٸنٸڭ جالپى بازاسىنا جٸبەرگەن, دەپ حابارلايدى "ۇلت اقپارات".
بالنۇر تٷلەنوۆا قاراعاندى قالاسىنىڭ نىعمەت نۇرماقوۆ اتىنداعى دارىندى بالالارعا ارنالعان مامانداندىرىلعان مەكتەپ-ينتەرناتىن بٸتٸرگەن.
«مەنٸڭ تۇلعا رەتٸندە قالىپتاسۋىم وتباسىمدا باستالدى. اتا-انام ماعان سىن-قاتەردٸ قابىلداپ, قورقىنىش جەنە كەمشٸلٸكتەرمەن كٷرەسۋ ٷشٸن قولىمنان كەلگەننٸڭ بارلىعىن جاساۋ كەرەك دەپ تەربيەلەدٸ. بالا كەزٸمنەن باستاپ انام مەن ەكەم ماعان ەردايىم بەسەكەگە دايىن, بٸرٸنشٸ كەزەكتە ٶزٸممەن كٷرەسۋدٸ, ەرقاشان جوعارى دەڭگەيگە شىعۋدى ٷيرەتتٸ. ال ٶمٸرلٸك جاعدايلار اتا-انامنىڭ ماعان ٷيرەتكەن داعدىلارىن دامىتۋعا, جەكە باسىمنىڭ قالىپتاسۋىنا جەنە كٸم بولعىم كەلەتٸنٸن تٷسٸنۋگە مٷمكٸندٸك بەرگەن سەرپٸن بولدى», - دەيدٸ بالنۇر.
بويجەتكەن ورىس, قازاق, فرانتسۋز, اعىلشىن جەنە تٷرٸك تٸلدەرٸن مەڭگەرگەن. ونى ەكونوميكا, ەلەۋمەتتانۋ جەنە جاراتىلىستانۋ عىلىمدارى قىزىقتىرادى.
«شەتەلدٸك ۋنيۆەرسيتەتتەر بولاشاق ستۋدەنتتەردٸڭ ٶزٸندٸك دامۋىنا, موتيۆاتسيياسىنا, ٸشكٸ سيپاتى مەن دٷنيەتانىمىنا ٷلكەن مەن بەرەدٸ. مەنٸڭ موتيۆاتسييالىق حاتىمدى وقىپ, ولار تاڭ قالدى. بەس تٸلدٸ بٸلۋدەن باسقا, مەن filmmaking and photography-مەن, سونداي-اق ەكولوگييالىق جوبالارمەن اينالىسامىن, ماتەماتيكا بويىنشا وليمپيادالارعا قاتىستىم. اينالىساتىن جەنە وقيتىن دەرٸستەرٸمنٸڭ تٸزٸمٸ اۋقىمدى. ۋنيۆەرسيتەتتەر تۇلعا رەتٸندە قالىپتاسىپ كەلە جاتقان جاستاردى ٸزدەيدٸ. بويىمدا ارماندارىمدى جٷزەگە اسىرۋ ٷشٸن جەتكٸلٸكتٸ كٷش, بٸلٸم جەنە مٷمكٸندٸكتەر بولسا دەيمٸن. بولاشاقتا ٶز بيزنەس-جوبالارىمدى جٷزەگە اسىرعىم كەلەدٸ», - دەدٸ بالنۇر تٷلەنوۆا.
10-سىنىپتا ول حالىقارالىق ەمتيحان تاپسىرىپ, نەتيجەسٸن ۋنيۆەرسيتەتتەردٸڭ جالپى بازاسىنا جٸبەرگەن. كٶپ كٷتپەستەن وعان وقۋعا شاقىرۋ كەلدٸ.
بالنۇر رود-ايلەند شتاتىنىڭ ۋنيۆەرسيتەتٸنە توقتالدى. بۇل وقۋ ورداسىندا بٸلٸم الۋ قۇنى - جىلىنا 80 مىڭ اقش دوللارىنا دەيٸن. سەتتٸ تاپسىرىلعان ەمتيحان قاراعاندىلىق تٷلەككە تەگٸن وقۋعا مٷمكٸندٸك بەرەدٸ.
بٸلٸم الىپ, بالنۇر حالىقارالىق كومپانييالاردا جۇمىس تەجٸريبەسٸن جيناقتاۋدى جوسپارلاپ وتىر. سودان كەيٸن ٶز ٸسٸن اشىپ, ەل ەكونوميكاسىن قولداۋ ٷشٸن قازاقستانعا ورالماق.
